10 طرق فعاله لترك الملهيه
و بالمناسبه صايرين ما تشاركون البوستات يمكن مو مفيده؟
الملهيه تفقد فوائدها بعمر ٦ إلى ١٠ اشهر
و لهذا ما نفضل تبقى الملهيه أكثر من هذا الوقت
الطرق هي
و اختاري اللي يناسب عمر طفلك
١. حددي وقت الاستخدام : يعني الملهيه فقط للنوم و حتى يبقى بفراشه عداها غير مسموح بتاتا و هذه الفقره تفيدك انه ينام بفراشه أكثر
٢. كصي طرفها مثل الصوره كل كم يوم شويه
٣. خلي كل الملهيات بعلبه صغيره و غلفيها باناقه و روحي انت و ابنك و اهديها لأي طفل مولود جديد حتى يعرف انه هو كبر و انه الملهيه مال صغار كلش طبعا اكيد تعرفون انه هاي تمثيليه مو اكثر
٤. لا تنسين أبدا الدب الصغير او البطانيه او اي لعبه امينه صديقته بحيث من ينام تصير صديقته البطانيه او اللعبه
٥. التبديل : يعني اخذيه لمتجر العاب و كوليله اختار هديتك حتى نبدلها بالملهيه
٦. اكو اطفال كبار و بعدهم على الملهيه بهيجي اعمار اتفق وياه على موعد انه هاهيه صار كبير بعد على الملهيه مثلا عيد ميلاد أحد الوالدين أو عيد ميلاده الثاني او الثالث
٧. لا ننسى ال star chart او جدول النجوم اللي هو تخليله نجمه على كل يوم او كل ساعه ما يخلي بيها ملهيه و بعدها تجمعها و تشتريله هديه ( موجود بوست بالصفحه اصلا)
٨. الفلوس : أكثر الجهال يحبون الفلوس و علموهم على الفلوس و اشتريله حصاله و كل يوم ينسى الملهيه خلي الفلوس بالحصاله
٩. ببساطه اختفت وحده من الطرق اذا كلشي ما فاد كوله ما ادري وينها اختفت
اكيد راح يبجي بس يوم يومين و ينسى
بهاي اليوم او ال٢ سوي اي نقطه من النقاط الفوك
١٠. خلي طعم ما طيب عليها او لون ما حلو عليها و هو شويه شويه يتركها
و اخيرا اذكر هذه البوستات اني كاتبها الكم
مشاركتها فقط فقط فقط من الصفحه
مو إعاده نشرها باسماؤكم باي موقع
و اتمنى المشاركه لتعم الفائدة
شكرا الكم
