ابني او بنتي يضرب راسه بالحايط اكو شي؟
هذه اكثر شكوى يسمعها اي طبيب اطفال
فهل هي شائعه؟
💔 الصدك اي شائعه
20 بالميه من الاطفال يدكون براسهم بالحايط او بالكاع او يضربون راسهم بيدهم !
شني هاي
اي و الله
من كل 5 اطفال اكو طفل هيجي يسوي !
😭 هذه النوبات تتسمى بنوبات الغضب
اللي كاتب عنها بوستات طويله عريضه بالصفحه
النوبات تصير من عمر سنة و تبدي تقل بعد 3 سنوات
زين ليش تصير ؟
مشكله بالتعبير هاي
يعني ما يعرف يعبر عن اللي بداخله
فيضرب راسه بالحايط حتى ينطيك فكره انه اني عندي فكره او انتبهلي عندي مشكله اريدك تحلها !
عجيب و ماكو غير هالطريقه؟
لا ما عنده غير هالطريقه
زين و شاسوي ؟
اولا اهمل التصرف
انت مدا تشوف هذا التصرف
بس اكيد ابعده عن مصادر الخطر
لا تخليه يضرب راسه بالحايط
خليه مثلا يضرب بوساده او فراش
ثانيا
لا تعاقبه لان هذا راح يخليه يستشيط غضبا اكثر و يزيد الجرعه اصلا بالمره القادمه
ثالثا
لا تعاقبه و لا تنتبهله بس اشمرله طوبه مثلا
او غنيله اغنيه
او كوله يلا نطلع
بين قوسين اشغله
رابعا
ارجع اقرا البوست ثاني
الموضوع مطول لل ٣ سنين او 5 سنين
فيعني لو تهمل التصرف من اول مره ما كان استمر
لا تنسى ان النوبه تستمر ثواني او دقائق
و بالطفل العراقي الجميل تستمر لساعات
اثبت على موقفك
د. سيف سمير البياتي اخصائي طب الاطفال
