ابني ياكل بيضه يوميا هل زينه عليه ؟
او ابني بس يحب البيض و ياكل اكثر من بيضه يوميا هل مو زين عليه ؟
الجواب كلمه وحده
الاعتدال فقط
شوفوا الصحن بالصوره يخبل
بيض و نشويات و فواكه و كلشي صحي
البيضه الوحده تنطي للطفل خمس ( ١ على ٥ ) احتياجه من البروتين اليوم
و تنطي بحوالي ١ بالميه من الدهون المشبعه اللي المفروض الطفل ما ياخذ أكثر من ١٠ بالميه
لذلك اني اشوف انه بيضه او ٢ يوميا مقبوله و الأفضل بيضه وحده فقط
و على طرف نقيض
الطفل ما ياكل بيض ما يحبه مثل اني ما احبه شاسوي ؟
ماهو البيض يدخل بالعجين و الكيك و غيره تكدرين تنطيه بيض بطريقه أخرى
و لاني دائما انقللكم كلشي جديد
هذه تجربه من الاكوادور
جابوا ١٦٣ طفل أعمارهم بين ٦ إلى ٩ اشهر
قسموهم مجموعتين
مجموعه ما أنطوهم بيض
و مجموعه انطوهم بيضه يوميا لمده ٦ اشهر
بعد ٦ اشهر قاسوا اطوالهم و اوزانهم شافوا ان مجموعه البيض احسن و نمو احسن و وزن احسن و طول احسن 😍😍😍😍😍😍😍😍😍😍
و هذا يعزز دور التغذيه المبكره للبيض بحوالي عمر ال ٦ اشهر
الا اذا ظهرت أعراض التحسس فهنا مالها غير ننتظر و نتامل انه تروح حساسيه البيض بحدود بعد السنتين
د. سيف سمير البياتي
اخصائي طب الأطفال
أتمنى فادكم البوست
ملاحظه اخيره للكبار اللي يعانون من مشاكل الدهون لابد من تقليل البيض لان البيض غني بالكولسترول
