احيانا الام ترضع طبيعي
بس طفلها عنده غازات او اكزيما او أحيانا اسهال او إمساك
ممكن تكون هذه الاعراض لتحسس الطفل من بعض الاغذيه اللي تتناولها الام
و أشهرها
الحليب و مشتقاته؛ الذره البيض او الفستق السوداني اللي موجود بأغلب النساتل و لذلك ممكن جدا الإكثار من تناول النستله و الكاكاو يسوي مغص
الأعراض تبدأ مبكرا بعد تناولك لأحد هذه المواد اللي كلتلها سابقا و ما تخف الا بعد اسبوعين إلى ٣ من تركك لهذه المواد
فاذن اول شي الحليب و مشتقاته
الفول السوداني
البيض أحيانا
الكافيين الموجود بالشاي و بالقهوه
مو الا يسوي غازات
بس يخلي الطفل ما ينام
ثالثا بعض الأمهات تشكو انه بعض الخضراوات و البقوليات تسوي عند الطفل غازات و عدا البقوليات القرنابيط و الخيار
رابعا
البهارات و الفلفل الأحمر
ماكو شي مثبت علميا انه تسوي غازات بس ممكن الطفل يتنحس او يزيد بكاؤه اذا اكلت الام منها
بعض الشعوب اصلا تنصح الام تاخذ كمون في حين هوايه امهات تكول صار عند طفلي مغص من شربت الكمون
آخر شي
اي فواكه و خضراوات بيها حامض
مثل الحمضيات اللي تشمل البرتقال و اليوسفي و الليمون الحامض عدا الحمضيات الفراوله و الكيوي و الطماطه ممكن جدا تسوي مغص و انزعاج لطفلك
بالأخير ممكن طفلك كلشي تاكلين و ماكو أعراض
و ممكن رأسا ينتفخ من اقل اكله
فمالك غير تجربين
و ابتعدي عن الأغذيه المذكوره بالبوست اذا طفلك حاليا عنده غازات او انتفاخ
و انت تذكريلنا من شنو كان ينتفخ طفلك ؟
د. سيف سمير البياتي اخصائي طب الاطفال
