ارجع و اكول للي يكول ( شو انطينا او سوينا او خلينا لطفلنا و ما صار شي)
ما صار شي لان الله بكرمه و لطفه ستر
هذا بوست لدكتور سلمان داود الادمن ويايه بالصفحه و اللي نشر الموضوع على صفحته الشخصيه بيومها كان خفر اطفال و صار هذا الحادث كدام عينه
احب اذكر :
اكو اسباب للمنع
🤔البودره خطره على المجاري التنفسيه و ممكن تثير القصبات سواء بعطر او بدون عطر اوكي استخدميها لمنطقه الحفاظ بس هم بحذر شديد
و اذا طفلك عنده تحسس قصبات اشوفها رفاهيه و بطر تخلين للطفل بودره
🤗شغله اخرى : الحجله ممنوعه في كندا لأنها تضعف عظام الحوض و تقوس الساقين و تسبب حوادث لا حصر لها
🙂الكماط اللي يمد الرجلين و ما يتركها حره ممكن يسوي خلع
😃العصير ممنوع تحت سنه حتى الطفل يستفاد من ألياف الطعام
🙄المميه ممنوعه بعد عمر السنه و ٣ اشهر حتى لا تتأثر الاسنان الدائميه بتركيب الفك
و غيرها من المعلومات اللي تزخر بيها الصفحه
و اللي مع كل الاسف بعد ما ينزل البوست بدقايق ينكتب تعليق مو خلينا و ما صار شي
اتمنالكم الصحه و الموفقيه
بس احذروا
اطفالكم امانه
د. سيف سمير البياتي
اخصائي طب الأطفال
from د. سيف سمير البياتي