اكعد
بطل
لااااا
نوووو
يفهمون اللا من عمر ٩ اشهر و كلما اكبر كلما يفتهمها اكثر
هسه الامهات يكولن صدك تحجي ؟؟
لعد شبيهم ما يفيد وياهم لا اي لا لا
اللي بيهم انه ينسون
و الاهم من النسيان هو حب اللعب و حب الاطلاع على كل شيء بالبيت
طيب شنو اسوي ويه هذا المخلوق اللي ٢٤ ساعه يلعب
شاسوي
اولا
امن طفلك جيدا
و هذه سهله نوعا ما
خلي شريط لاصق على نقاط الكهرباء
خلي باب صغير على السلم
ضمي التايد و الغسولات و الزاهي
.
.
لا تفرط باستخدام اللا
يعني دا ينزل الدرج لا تكوله لاا تعال الدرج
كوله تعال نلعب بالمرجوحه او اي لعبه يحبها
.
.
من يسمع الكلام اشكره و كافئه و كوله عفيه حبيبي عفيه البطل و بعدها بوسه او حضنه
اخر شي
من يصير عمره سنتين و ما استجاب ابدي عاقبه و منزل بوست كامل عن العقوبات بالصفحه
ٱخر شي الضرب ممنوع ممنوع ممنوع ممنوع
د. سيف سمير البياتي
اخصائي طب الاطفال
from د. سيف سمير البياتي