#ستة_اشياء_لاتسويها ابد مدام طفلج بعمر دون السنة
اولا : لاتعوفي يبجي بوحدة
شرحناها بشكل مفصل وعميق ضمن سلسلة #لاتبچي
واليوم نلخص شويه ،
ترك الطفل يبكي لساعات (لوحده) وهو صغير (دون السنه) عمل لا إنساني وبعيد كل البعد عن مشاعر الامومه والفطره السليمه التي خلقها الله في الانثى،
لايوجد اي مبرر لا علمي ولاديني ولامذهبي يحلل مثل هكذا فعل شنيع
طفل حديث الولادة يكون في حاله خوف وهلع من المحيط الجديد ، بالاضافه الى الم المغص الولادي ،
وجودك قربه واحتضانه وجعله يستمع لنبضات قلبك التي كانت موسيقاة المفضلة وتهويدته الرائعة طوال فتره الحمل، كفيل جدا جدا بطمئنته ، ليس من الضروري أن (يسكت) لكن من الضروري جدا أن تكوني بقربه ♥️
⁉️زين هسه شحيصير قابل واذا معفناه… اصلا هو كلشي مايفتهم ولا يدري ولا عنده ذاكره ولا استيعاب 🙄 عليش مصعبين الموضوع علينا 🙄
لا ابد ابشرج.. السنوات الاولى هي اساسيه بالتعليم السلوكي ، خصوصا اول اشهر
لان التطور العصبي مالته يكون مثل الحيوانات عباره عن ردات فعل لا ارادية ، ثم استجابات حيويه ، ثم يتطور عنده الاستيعاب المعرفي
يعني كل شي يصير خلال هاي الفتره حيطلع بالمستقبل بشكل عفوي ،
وكل الأبحاث توكد كلامي،
اغلب الأمراض النفسية والمزاج الحاد يحدث عندما يتم تجاهل حاجات الطفل الرضيع، وكثره بكائه تتسبب برفع هرمونات التوتر التي تودي فعليا إلى بلاده الطفل وانخفاض معدل الذكاء
يعني اذا عفتي يبجي حتصلين التالي:
١.طفل متوتر
٢.طفل حاد المزاج
٣.ضعف الثقه بالنفس
٤.ضعف القدره على التعبير عن النفس
٥.بليد وضعيف الفهم .
ولا حتكبر رئته، ولا حيصير شاطر ولا حيصير لطيف،
وكل وحده تكلج عوفي يبجي ، كولي لها لا حبيبتي ما اريد اعوفه اعتذر .. اعوف كلشي وما اعوفه 😉❤️
ورجاء حار لكل الافراد المحيطين بالام وطفلها الرضيع
من تسمعون الرضيع يبجي كولوا لها عوفي الي بيدج احنا نسوي وروحي عليه خطيه
وتذكروا الراحمون يرحمهم الله
وبلاها سوالف عوفي ليتعلم عليج ، تره هاي امه اذا على امه ميتعلم عليمن يتعلم؟
مع مودتي 🌷
د.اسماء إسماعيل البدري
from د. سيف سمير البياتي