اكو كم موقف يمر بينا كاباء و امهات تضحك شويه بس لازم نكون مستعدين الها و ما لازم ابدا ننفعل و نضوج منها بالعكس لازم نخلينا متحضرين الها لان اذا نخلي عقلنا وياها ممكن جدا نفقد عقلنا و رزانته مثلا ✴ دا تطلعون للسوك و كلتله لطفلك الحباب اللطيف اللي متعلم على التواليت يلا حبيبي روح للتواليت قبل ما نطلع و و راح فعلا الشاطر و اول ما طبيتوا للسوك كال ماما اريد اروح للتواليت !!! هنا انت كالاسد تلزمين و ترحين تودين الطفل للتواليت لان عادي عنده اذا ما توديه يسويها على روحه و يلم عليك السوك اما الاتعس و مثل كل مره يوديك للتواليت و بعدين يكولك اصلا اني ما عندي شي ✴ طالعه مثلا لبيت صديقتك و انت مطمئنه انه هو ما ياكل لان صايم ٢٤ ساعه و اول ما يطب يكولك ماما اني جوعان ما عدهم اكل؟ انت هنا لا تخجلين عادي اصلا اسالي الناس انه مسوين اكل لو لا لان اذا سالتيه اني مو مغديتك و جايبتك راح يكولك احنا ما ناكل بالبيت و انت ما تسوين اكل فاسهل طريقه تكولين لصديقتك اي شنو طابخين اليوم لان راح ينطلق اكثر و اكثر اذا سالتيه سؤال بعد و عادي عنده يكولك احنا صارلنا ٥ سنين ما ماكلين ✴ اما اذا اصلا معزومين عزومه لطيفه يم بيت صديق فعادي يكولك هاي شنوو ياكلون لحم هنيالهم و باحسن الحالات يكول هاي شنو عدهم تمن و عادي جدا يكول امي شو ما تطبخين مثلهم و الحل : لا هاي ماكو حل غلسي و اسكتي ✴ شايفته من يلعب بلعبات غيره و هو عنده مثلهن و يكولك الله شون ملاعيب ؟ هنا لو سالتيه امي مو عندك نفسهن راح يكولك انتوا منين مشتريلي العاب وياها نظره براءه رهيبة ✴ تاكدي دائما انه وظيفتهم اللطيفه تقتضي تخريب الطلعات فاذا انت مرتاحه و فرحانه هو راح يكول ماما ضجت و اذا انت تعيسه راح يكول الله شون كعده حلوه اتفقي وياه على زمن الطلعه و فهميه منو راح يجي و منو راح يروح ✴ عادي عنده من تكوليله سلم على عمو فلان يكولك لا ما احبه عمو اكرع او سلم على خاله فلانه يكولك لا سمينه ما احبها ما اسلم عليها و يضيفلك حرج انت في غنى عنه راسا الرد لازم يكون منك جاهز انه غير مسموح ابدا بالضحك على اشكال الناس و صفاتهم ✴ اما اذا عزمتوا ناس للبيت و عدهم اطفال راح يطلع عينهم و ما راح يخلوهم يلعبون بالعابه العزيزه اللي هي اصلا دا تتحضر تنذب بالمهملات و الحل : فهميه انه راح يجون خطار و اريدك تضيفهم و تلعبهم بالعابك ✴ الكوارث شوكت تصير؟ اول ما توصلون الهدف اللي هو بيت الناس اللي رايحلهم القيء او البجي او الجوع و الادرار و الخروج و حتى الاوبئه و الامراض المستعصيه كوني مستعده انت و كلينسك و حفاظاتك و مراهمك و لبس اضافي اخر لا تنلاص الوضعيه كلش لان عادي راح تنلاص اصلا #اصلا_عادي #اصلا_الامومة_ما_يرادلها_شي د. سيف سمير البياتي اخصائي طب الاطفال

اكو كم موقف يمر بينا كاباء و امهات تضحك شويه
بس لازم نكون مستعدين الها
و ما لازم ابدا ننفعل و نضوج منها
بالعكس لازم نخلينا متحضرين الها
لان اذا نخلي عقلنا وياها ممكن جدا نفقد عقلنا و رزانته
مثلا
✴ دا تطلعون للسوك و كلتله لطفلك الحباب اللطيف اللي متعلم على التواليت يلا حبيبي روح للتواليت قبل ما نطلع و و راح فعلا الشاطر و اول ما طبيتوا للسوك كال ماما اريد اروح للتواليت !!!
هنا انت كالاسد تلزمين و ترحين تودين الطفل للتواليت لان عادي عنده اذا ما توديه يسويها على روحه و يلم عليك السوك
اما الاتعس و مثل كل مره يوديك للتواليت و بعدين يكولك اصلا اني ما عندي شي
✴ طالعه مثلا لبيت صديقتك و انت مطمئنه انه هو ما ياكل لان صايم ٢٤ ساعه
و اول ما يطب يكولك ماما اني جوعان ما عدهم اكل؟
انت هنا لا تخجلين عادي اصلا
اسالي الناس انه مسوين اكل لو لا
لان اذا سالتيه اني مو مغديتك و جايبتك
راح يكولك احنا ما ناكل بالبيت و انت ما تسوين اكل
فاسهل طريقه تكولين لصديقتك اي شنو طابخين اليوم لان راح ينطلق اكثر و اكثر اذا سالتيه سؤال بعد
و عادي عنده يكولك احنا صارلنا ٥ سنين ما ماكلين
✴ اما اذا اصلا معزومين عزومه لطيفه يم بيت صديق
فعادي يكولك هاي شنوو ياكلون لحم هنيالهم
و باحسن الحالات يكول هاي شنو عدهم تمن
و عادي جدا يكول
امي شو ما تطبخين مثلهم
و الحل :
لا هاي ماكو حل غلسي و اسكتي

✴ شايفته من يلعب بلعبات غيره و هو عنده مثلهن و يكولك الله شون ملاعيب ؟
هنا لو سالتيه امي مو عندك نفسهن
راح يكولك انتوا منين مشتريلي العاب وياها نظره براءه رهيبة
✴ تاكدي دائما انه وظيفتهم اللطيفه تقتضي تخريب الطلعات
فاذا انت مرتاحه و فرحانه
هو راح يكول ماما ضجت
و اذا انت تعيسه
راح يكول الله شون كعده حلوه
اتفقي وياه على زمن الطلعه و فهميه منو راح يجي و منو راح يروح

✴ عادي عنده من تكوليله سلم على عمو فلان
يكولك لا ما احبه عمو اكرع
او سلم على خاله فلانه
يكولك لا سمينه ما احبها ما اسلم عليها
و يضيفلك حرج انت في غنى عنه
راسا الرد لازم يكون منك جاهز انه غير مسموح ابدا بالضحك على اشكال الناس و صفاتهم
✴ اما اذا عزمتوا ناس للبيت و عدهم اطفال
راح يطلع عينهم و ما راح يخلوهم يلعبون بالعابه العزيزه اللي هي اصلا دا تتحضر تنذب بالمهملات
و الحل : فهميه انه راح يجون خطار و اريدك تضيفهم و تلعبهم بالعابك
✴ الكوارث شوكت تصير؟
اول ما توصلون الهدف اللي هو بيت الناس اللي رايحلهم
القيء او البجي او الجوع و الادرار و الخروج و حتى الاوبئه و الامراض المستعصيه
كوني مستعده انت و كلينسك و حفاظاتك و مراهمك و لبس اضافي اخر لا تنلاص الوضعيه كلش لان عادي راح تنلاص اصلا
#اصلا_عادي
#اصلا_الامومة_ما_يرادلها_شي
د. سيف سمير البياتي
اخصائي طب الاطفال

from د. سيف سمير البياتي

اكو كم موقف يمر بينا كاباء و امهات تضحك شويه بس لازم نكون مستعدين الها و ما لازم ابدا ننفعل و نضوج منها بالعكس لازم نخلينا متحضرين الها لان اذا نخلي عقلنا وياها…