ووحدة ثانية هي بنفسها تروح تشتريله القميص و تفاجئه بيه .
و الفرق بينهم جبير ! ♥️
واكو واحد يشوف خطيبته متواضعة ب طلباتها وتگله جيب اللي تجيبه فيقرر يستغلها و يقلل منها و يجيبلها أقل شي .
و اكو كل ما خطيبته تگوله لتجيب شي يجيبلها اكثر ، كل ما تقلل طلباتها يزيدها .
و الفرق بينهم جبير ! ♥️
واكو وحدة لمن حبيبها يحچيلها عن غلطة سواها اتطنگر و تعصب وترفع صوتها و تنكد و تمرر عيشته و تندمه عاليوم اللي فكر يكون صريح وياها بيه .
و اكو اللي تسمع إعترافه و تحيد مشاعرها و تكون صديقة و أخت و ترجع تعاتب بعدين لمن الجو يهدأ .
و الفرق بينهم جبير ! ♥️
واكو واحد لمن يشوف زوجته مشغولة بشي يخصها او تريد تفصل شوية من مشاغلها اليومية يجزعها ويلعب نفسها بطلبات و زن و إنتي گاعدة فارغة شنو عندج طول النهار ؟
واكو لمن يشوف زوجته ناسية نفسها يگوللها ليش متشوفين اختج، صديقتج، تطلعين تغيرين جو شوية من البيت؟
و الفرق بينهم جبير ! ♥️
اكو شريك حياة ضاغط عبارة عن بلوة متحركة ، تحس نومه عبادة ، طلعته بره البيت راحة نفسية ، إنشغاله عنك عيد.
و اكو شريك حياة وجوده مريح ، يعرف يخليك مبتسم طول الوقت ، يخليك مطمأن ، الساعة بعيد عنه مزعجة .
و الفرق بينهم كلش جبير ! ♥️
د.زينه البياتي/طبيبه تغذيه
https://www.facebook.com/zinaclini/
https://instagram.com/albayatyzina?igshid=1uvmggtlwokl8