من اسوأ العادات او الطباع او الشخصيات الي ممكن تمتهنها المرأة بوقت غير مناسب نهائيا !
#الامومه
وقت يكون عندج طفل جديد
مو وقت المثاليات ابدا
ولا وقت تدارين اشخاص اضافيين
هذا الوقت بالذات
داري نفسج وطفلج فقط
من حقج تحجين عن احتاجاتج وبكل صراحه
مو شجاعة ان تكتمين حاجاتج وانتي معتمد عليج طفل لا حول ولا قوه
مو من الامومه ان تحرمين نفسج اشياء بسيطه يكدرون اقرب الناس يسووها الج
هذا الكتمان والتحمل يصير وقت ازمات ، وقت زوجج مريض، وقت حرب ، وقت الاسرة تمر بوقت عصيب جدا
حتدوسين على رغباتج شويه من اجل النجاة
وهذا الي جان اهلنا يسووه
بس توقفي هذا مو كل وقت يصير!
ووقت مابعد الولادة مثلا مو ضمنها!
الكل المفروض يدوس على رغباته عداج ، وعدا الطفل
وقت الرخاء هم اكيد مو ضمنها
حاولي تشرحين حاجاتج ببساطه طالما هي حاجات مو تعجيزيه
لا تدخلين نفسج لكآبة مابعد الولاده بهذا النوع من المكابرة
لان النتائج وخيمه
واحيانا … وخيمة جداً
د.اسماء اسماعيل البدري