#الادراك
#التربية
“ليش اله خبز؟؟؟
خوب خل يأكلون كيك 🤗”
هاي قصه رمزية وان كان البعض يدعي أنها حقيقة،
يكلك صارت مجاعة والناس طلعت تتظاهر وناس تذبح ناس من الجوع والفقر،
ومن سمع الامير أو الملكه أو القصد هو الشخص المسؤول عن البلاد،
كال شبيهم؟؟ ليش ديتقاتلون ومتهسترين؟
كالوا له يصرخون ويكولون متنا جوع وماكو خبز ناكل..
صفن وكال هسه الا خبز؟؟
خوب خل يأكلون كيك 😂
هاي القصه تنطبق على الأشخاص المتقوقعين بمستوى معين من الرفاهيه ومايدري شكاعد يصير بالعالم!! وعباله كل الناس مثله
حاولوا دائما تتطلعون ، مو كل الناس مثلنا ،
ومن قصر النظر وضيق الافق، هو الشخص الي يستغرب وجود الاختلاف بالمجتمعات ،
اغلب الموجودين هنا بالصفحه امهات واباء
وهذولة اكثر فئه يعرفون تماما أن اطفالهم (الي جوي من نفس الأم والاب وحتى التوأم) همه مختلفين !
فما بالك ببقية العالم …
تذكر ،
#مو_كل_الناس_مثلك
والشي الي انت تكدر تتجاوزه،
مو كل الناس تكدر تجاوزة
واذا ابنك الاول ربيتة بطريقه غلط، وطلع صح.. مو معناها طريقتك صح
وانما معناها كدر يتجاوز اخطاءك
طفلك الثاني مو بالضروره حيكدر !!
والقاعدة تكول : الغلط غلط والصح صح
د.اسماء إسماعيل البدري
