#الاسنان
#عناية
شوكت نبدي ننظف فم الطفل؟
الجواب:
من اول يوم
بس حتى نكون واقعيين ، اول يوم هو يوم صعب لهواي امهات ورضع،
لذلك نعدل على الجملة السابقة ونكول باقرب وقت تكدرين ابدي بالعناية بفم الرضيع مثل اي جزء اخر بجسمه
زين شنو الفكرة من ان ننظف الفم وهو مابي اصلا اسنان؟
الفكره نقطتين مهمه :
1. تعويد الطفل على هذا الشي جدا مهم لان هواي اهالي يتاخرون يتقديم العناية الفموية للطفل ويكون الطفل بعمر سنه او سنه وشوي، وبالتالي يقابلها برفض قاطع وصراخ وهلع وتبقى اسنانه في حاله تدهور مستمر نتيجة صعوبة التنظيف
2. للتخلص من بقايا الحليب الي هي سبب رئيسي لتكون الفطريات بالفم وماينتج عنها من مشاكل بالرضاعة
شلون ننظف؟
قطع شاش معقم طريقة نظيفه، اقتصادية ، وفعاله 👍
د.اسماء اسماعيل البدري
from د. سيف سمير البياتي