فرشاة الأسنان: وقت استبدالها والعناية بها

جواب لسؤال البوست السابق بالنسبه لفرشاة الاسنان
والي الاغلبيه عفيه عليكم تغيروها بالوقت الصحيح ..

-بشكل عام لازم نغيرهه كل ٣-٤ اشهر لان بحدود هالفتره الفرشاة حتكون فقدت قابليتهه على التنظيف ومحتكدر تشيل الاكل المتراكم بين الاسنان
وكل فرشاه نشوف الشعيرات مالتهه بدت تتفتت وتتفرق مثل الي بالصوره لازم نبدلهه لان حتاذي اللثه وتصير مكان لتجمع البكتريا
.
وهنا بعض النصائح الي تهمكم :
🪥🪥لا تحط الفرشاه باي بوكس او حافظه لان ممكن تبقه رطبه وبالتالي تساعد بتجمع وتكاثر البكتيريا والجراثيم
.
🪥🪥نهائيا منشارك فرشاة الاسنان الخاصه بينه لو حتى لاقرب الناس ولتحطوهم سويه ممكن تكون مصدر لانتقال
العدوى.

🪥🪥بعد اي مرض حاولو تبدلون الفرشاة خاصه بعد كورونا او الانفلونزا

🪥🪥بعد الاستخدام اكيد غسلوها
وحاولو تحطوهه بشكل عامودي حته تجف اسرع
.
🪥🪥استخدمو الفرشاه الي تكون ناعمه او لطيفه ومتاذي اللثه.

دكتور مصطفى حسين التميمي
اخصائي معالجه وتجميل الاسنان

رابط الصفحه :
https://www.facebook.com/Dr.mustfaaltmemy/

from د. سيف سمير البياتي