#التربية
#ثقافة_الاعتذار
#القيم_والمبادئ
#التوبة
الجزء الثامن
#ضرب_الاطفال
❇️من تضربين الطفل لان مكدرتي تلزمين اعصابج..
🔸وجوبا عليج تعتذرين …
❇️من تضربين الطفل لان انتي مفاهمه عقل الطفل..
🔸وجوبا عليج تعتذرين
❇️من تضربين الطفل لان رجلج غاثج/ حماتج سمعتج حجايه
🔸وجوبا عليج تعتذرين
ليش؟🙄
🚩لان انتي غلطتي
انتي مكدرتي تتحكمين بنفسج.. فقدتي السيطره.. هذا مو ذنب الطفل .. هذا ذنبج
⏪انضرب الطفل وراح وبجى وراها سكت وانتي هم استعاديتي رشدج، ترحين عليه تحضني وتبوسي من رأسه وتكولين له اعتذر حبيبي .. ماما فقدت اعصابها .. أن شاء الله متتكرر..
✳️من تشوفين طفلج يضرب اخوته، وتجين تضربي ..لان ديضرب … فهنا تسكب العبرات 😂
شلون تطلبين منه يتوقف عن فعل معين وانتي بنفسج تسوي؟
قال تعالى: “أَتَأْمُرُونَ النَّاسَ بِالْبِرِّ وَتَنسَوْنَ أَنفُسَكُمْ وَأَنتُمْ تَتْلُونَ الْكِتَابَ ۚ أَفَلَا تَعْقِلُونَ ”
ابدا مو منطق!
ليش عود هو لازم ميضرب اخوته بس عادي انتي تضربي؟
الضرب كله غلط … مو يصير حلال يمج وحرام يمه
✳️اما الي يكول علمود اربي, علمود أعلمه
فلا حينربى ولاحيتعلم
⏪كل الي حتربي عليه وتعلمه عليه (من خلال ضربك اله) هو أنه يتعلم يضرب (مثلك)…
وفقط
⏺️اما من يضرب الطفل اخوته .. تلزم ايده ونباع بعينه ونكول له لا غلط ميصير تضرب اخوك
الضرب خطأ ..
واذا سبق وأن ضرب نخلي يعتذر ويستسمح من اخوه
✴️أما الاعتذار من يبدر منه تصرف غلط، هذا يرجعنا إلى هل هو فعلا تصرفه غلط ؟
اذا يمس قانون ال لا الثلاث ..
لازم يعتذر ويستغفر (على حسب العمر)
واذا لا ميمسها ..
مو من حقك تطلب منه أن يعتذر ..🤚
وانتهت سلسله #ضرب_الاطفال
أن شاء الله تكونون استفدتوا منها
وانتظرونا في مواضيع شيقة أخرى ،
د.اسماء اسماعيل البدري
.
