تركيز جديد مو كلش متعودين عليه للباريستول في صيدلياتنا
و هاي يمكن عاشر مره اشوف سوء استخدام للجرعه
الشراب كدامكم
حذفت منه اسمه التجاري
الشراب مكتوب عليه ١٠٠ ملغرام / مل
يعني كل ١ سيسي بيه ١٠٠ ملغرام باريستول
انت متعوده تنطين الطفل مثلا ٣ سيسي من شراب الانتي بايرول او البارازار او البندول او الادول ابو ال ١٢٥ ملغرام/ ٥ سيسي
يعني ال ٣ سيسي بيها ٧٥ ملغرام فقط
في حين من تنطين هذا الشراب ٣ سيسي تنطيه ٣٠٠ ملغرام !!!
و تخيلي الفرق
اما اذا انطيتي ٥ سيسي فمعناها انطيتي ٥٠٠ ملغرام
اللي تعادل حبه باريستول !!!
لذلك من تاخذين هذا العلاج او غير علاج تاكدي من الصيدلي بخصوص الجرعه
ماكو مشكله تنطيه ابو ال ٢٥٠ ملغرام / ٥ سيسي
بس احسبي الجرعه صح على الوزن ويه النشره المرفقه و ويه الصيدلي او طبيب الاطفال
د. سيف سمير البياتي
اخصائي طب الاطفال
