#التربية #ثقافة_الاعتذار #القيم_والمبادئ #التوبة الجزء الخامس #ضرب_الاطفال جوابا على سؤال اني من اعصب اضرب.. شسوي؟ هنا حندخل تعديل سلوك، يعني انت عندك مشكله .. عصبيتك دتطلعها بالضرب.. وهذا غلط .. ومنريد نرجع ونعيد مين اجى هذا الغلط،لان اتصور صار واضح ، 😅 التصليح حناخذه من نهج الرسول صلى الله عليه وسلم: 1️⃣اولا: جاء رجل قال للنبي صلى الله ‏عليه وسلم أوصني. قال: لا تغضب، فردد مراراً، فقال: لا تغضب” يعني اجى رجال يم النبي صلى الله عليه وسلم وقال له وصيني ، فجاوبه النبي ان لاتغضب .. ورجع كال الرجل للنبي اوصني ، ورجع النبي اوصاه ب (لاتغضب) يعني شنو؟ يعني انت لاتسوي الاشياء الي تخليك توصل للغضب.. تجي نحصر الاشياء الي تؤدي إلى الغضب: ✳️اولا من الأطفال نفسهم: اكيد هسه تكولون همه الجهال الي يستفزونا ويخلونه نفقد اعصابنا مو احنا .. ابشركم .. الغلط بينا مو بيهم.. 😁 يعني من نفهم طبيعة الطفل وتصرفاته وخلقته وشلون كل شي يسوي الطفل هو لهدف ولغايه وكل حركه منه هي عباره عن تجربه ، حنتقبل تصرفاته جدا جدا ..😊 وعلى أساسها نعدل بيتنا 🏡 بما يتوالم مع طبيعة الطفل الاستكشافية هايه.. مو نعكس خلقه الطفل.. ونريده يصير الرجل الوقور الي كاعد يتمعن النظر بزوايا المنزل … 😅 ⏪يعني اذا انتي تتعصبين من الطفل يشمر الملاعق على الأرض .. لاتخلين الملاعق بمتناول ايده اساسا.. ⏪اذا انتي تتوترين من الطفل يسكب الماء، انطي مقدار قليل علكد مايشربه .. ميبقى فائض يسكبه .. ⭕وبنفس الوقت وفري الانشطه المناسبه لعمره حتى يشبع غريزه الاستكشاف … ❌مو خالي بقفص مدري كم شهر وتالي من يبدي يخبص تكولون منكدر له.. طبعا انتوا كبتوه فتره طويله وهسه انفجر عليكم .. 😅 كلشي تسوه تحصلون نتيجته ، بالخير وبالشر.. المهم حتى لانطلع من صلب الموضوع، لاتغضب.. وابعد كلشي ممكن يؤدي إلى غضبك، ⁦✳️⁩⁦✳️⁩ثانيا: المهام الاضافيه الي هي مو من مسؤوليه الام، والي تندرج تحت #العادات_البالية الي تخلي الام تصرف طاقتها بال” توافه” من خلال المبالغة بالتنظيف والتلميع ، تكول فندق ولازم يعجب الزوار مو بيت بي اطفال! 🤦 هاي المهام تخلي الام متعبه ومرهقه وبالتالي تتنرفز من الطفل يسوي اي تصرف طفولي، مثل تلوين الارضيه أو سكب الالوان وغيرها .. الحل واضح.. شغلتج تربية اطفالج اولا اطفالج اولا اطفالج اولا مو نهايه العالم اذا توسخت الكاع ومتنظفت اليوم … وثاني يوم نظفناها.. مو نهايه العالم اذا السنك بقى بي كم ماعون لان جنتي ملتهيه تلعبين وي الطفل، من ينام عود غسليهم . بس نهايه العالم من تبقين تضربين وتصرخين على الطفل لخاطر المواعين لاتضايق بالسنك.. 🤦 ⁦✳️⁩⁦✳️⁩⁦✳️⁩ثالثا: العشوائيه وعدم تنظيم الوقت، ايضا تؤدي إلى تراكم الأعمال وتفاقم الوضع فجاه،🤯 يعني من ماكو نظام داخل البيت وكلمن كيفه، والأكل ماله مكان معين ولا وقت معين حتصير فوضى ، وهاي الفوضى طبعا تخلينا نتوتر ونغضب لذلك رتبي وقتج وقسمي مهامج .. حتى لتوصلين للانفجار 😅 ⁦✳️⁩⁦✳️⁩⁦✳️⁩⁦✳️⁩رابعا: احترام النفس وتخصيص وقت للام للراحه، سواء هذا يتم بعد نوم الاطفال او بالاتفاق مع الزوج وغيرها من الوسائل الي سبق شرحناها بهاشتاك #لاتصيحين اذا هاي سويناها حيقل الغضب بشكل كبيييير جدا جدا جدا وبهذا نكون طبقنا اول نصيحه للنبي محمد صلى الله عليه وسلم من كال “لاتغضب” يعني تجنب كل شي حيؤدي إلى الغضب .. زين هسه فشلنا باتباع هاي النصيحه الاولى، وصار ضغط على الأم وتعصبت ، شسوي؟ شلون امنع نفسي أن أضرب الطفل؟ 🤔 هذا بالجزء القادم .. مع مودتي 🌷 د.اسماء اسماعيل البدري

#التربية

#ثقافة_الاعتذار

#القيم_والمبادئ

#التوبة

الجزء الخامس

#ضرب_الاطفال

جوابا على سؤال اني من اعصب اضرب.. شسوي؟

هنا حندخل تعديل سلوك،
يعني انت عندك مشكله ..
عصبيتك دتطلعها بالضرب..

وهذا غلط .. ومنريد نرجع ونعيد مين اجى هذا الغلط،لان اتصور صار واضح ، 😅

التصليح حناخذه من نهج الرسول صلى الله عليه وسلم:

1️⃣اولا: جاء رجل قال للنبي صلى الله ‏عليه وسلم أوصني. قال: لا تغضب، فردد مراراً، فقال: لا تغضب”

يعني اجى رجال يم النبي صلى الله عليه وسلم وقال له وصيني ، فجاوبه النبي ان لاتغضب .. ورجع كال الرجل للنبي اوصني ، ورجع النبي اوصاه ب (لاتغضب)

يعني شنو؟

يعني انت لاتسوي الاشياء الي تخليك توصل للغضب..

تجي نحصر الاشياء الي تؤدي إلى الغضب:

✳️اولا من الأطفال نفسهم:
اكيد هسه تكولون همه الجهال الي يستفزونا ويخلونه نفقد اعصابنا مو احنا ..

ابشركم .. الغلط بينا مو بيهم.. 😁

يعني من نفهم طبيعة الطفل وتصرفاته وخلقته وشلون كل شي يسوي الطفل هو لهدف ولغايه وكل حركه منه هي عباره عن تجربه ،
حنتقبل تصرفاته جدا جدا ..😊
وعلى أساسها نعدل بيتنا 🏡 بما يتوالم مع طبيعة الطفل الاستكشافية هايه..
مو نعكس خلقه الطفل.. ونريده يصير الرجل الوقور الي كاعد يتمعن النظر بزوايا المنزل … 😅
⏪يعني اذا انتي تتعصبين من الطفل يشمر الملاعق على الأرض .. لاتخلين الملاعق بمتناول ايده اساسا..

⏪اذا انتي تتوترين من الطفل يسكب الماء، انطي مقدار قليل علكد مايشربه .. ميبقى فائض يسكبه ..

⭕وبنفس الوقت وفري الانشطه المناسبه لعمره حتى يشبع غريزه الاستكشاف …

❌مو خالي بقفص مدري كم شهر وتالي من يبدي يخبص تكولون منكدر له..

طبعا انتوا كبتوه فتره طويله وهسه انفجر عليكم .. 😅
كلشي تسوه تحصلون نتيجته ، بالخير وبالشر..

المهم حتى لانطلع من صلب الموضوع،
لاتغضب..
وابعد كلشي ممكن يؤدي إلى غضبك،

⁦✳️⁩⁦✳️⁩ثانيا:
المهام الاضافيه الي هي مو من مسؤوليه الام،
والي تندرج تحت #العادات_البالية

الي تخلي الام تصرف طاقتها بال” توافه” من خلال المبالغة بالتنظيف والتلميع ، تكول فندق ولازم يعجب الزوار مو بيت بي اطفال! 🤦

هاي المهام تخلي الام متعبه ومرهقه وبالتالي تتنرفز من الطفل يسوي اي تصرف طفولي، مثل تلوين الارضيه أو سكب الالوان وغيرها ..
الحل واضح.. شغلتج
تربية اطفالج اولا
اطفالج اولا
اطفالج اولا

مو نهايه العالم اذا توسخت الكاع ومتنظفت اليوم … وثاني يوم نظفناها..
مو نهايه العالم اذا السنك بقى بي كم ماعون لان جنتي ملتهيه تلعبين وي الطفل،
من ينام عود غسليهم .

بس نهايه العالم من تبقين تضربين وتصرخين على الطفل لخاطر المواعين لاتضايق بالسنك.. 🤦

⁦✳️⁩⁦✳️⁩⁦✳️⁩ثالثا:
العشوائيه وعدم تنظيم الوقت، ايضا تؤدي إلى تراكم الأعمال وتفاقم الوضع فجاه،🤯
يعني من ماكو نظام داخل البيت وكلمن كيفه،
والأكل ماله مكان معين ولا وقت معين حتصير فوضى ،
وهاي الفوضى طبعا تخلينا نتوتر ونغضب

لذلك رتبي وقتج وقسمي مهامج ..
حتى لتوصلين للانفجار 😅

⁦✳️⁩⁦✳️⁩⁦✳️⁩⁦✳️⁩رابعا: احترام النفس وتخصيص وقت للام للراحه، سواء هذا يتم بعد نوم الاطفال او بالاتفاق مع الزوج وغيرها من الوسائل الي سبق شرحناها بهاشتاك #لاتصيحين

اذا هاي سويناها حيقل الغضب بشكل كبيييير جدا جدا جدا

وبهذا نكون طبقنا اول نصيحه للنبي محمد صلى الله عليه وسلم من كال “لاتغضب”

يعني تجنب كل شي حيؤدي إلى الغضب ..

زين هسه فشلنا باتباع هاي النصيحه الاولى، وصار ضغط على الأم وتعصبت ، شسوي؟ شلون امنع نفسي أن أضرب الطفل؟ 🤔

هذا بالجزء القادم ..

مع مودتي 🌷

د.اسماء اسماعيل البدري

#التربية #ثقافة_الاعتذار #القيم_والمبادئ #التوبة الجزء الخامس #ضرب_الاطفال جوابا على سؤال اني من اعصب اضرب.. شسوي؟ هنا حندخل تعديل سلوك، يعني انت عندك مشكله ..…