التربية مليئه بالقرارات الصعبه و من هذه القرارات هي العقوبات 🔴اول طريقه و اسهل طريقه التجاهل شايفه من يظل يبجي و يبجي و يبجي و ما يفيد بيه لا عيني و لا قلبي و لا حبيبي و من تلبسيه و تتجاهليه يستقر ؟ هو هذا محاوله تحقيق كل اللي يريده الطفل ينتج عنه طفل غير راضي عن كل شيء التجاهل هو الحل شايفه من بطلتي تطلعين بالشارع لان ابنك كلما يريد لعبه او شي لازم تشتريها و الا يشمر نفسه بالكاع و انت حتى تحلين هذه المشكله بطلتي تطلعين بالشارع او السوق في حين كان الحل سهل جدا لو من اول مره ما نفذتي اللي يريده و تجاهلتي البكاء حتى لو تدخل احد ثاني و كالك يلا سهليها لا ابدا لا تسهليها اللا هي لا و اصري على موقفك اعترف انه احنا الاباء ناخذ الخيار السهل و نسوي اللي يريده الطفل لذلك الكلام موجه بالاغلب للامهات انت صح استمري على موقفك و تجاهلي الطلب و تجاهلي البكاء و العياط و تاكدي ما راح تتكرر و اذا تكررت هم تجاهلي احسن ما يصير الموضوع روتين و تبقين للابد بهذه الدوامه طيب من شوكت ابدي ؟ من عمر سنتين طبعا و هذه اللي تكول عمره سنتين ما يفهم بالتربيه و الاسلوب هذه كلشي ما تعرف و لا تعرف الطفل كم يفهم الطفل من عمره ٩ اشهر يعرف اللا و يعرف انه لا تسوي يعني لا تسوي و من بعد ما تمر اول سنه من يغلط الطفل الزمي ايده او الزم ايده و باوع بعينه و كوله هذا غلط اللي دا تسوي ما اكولك تصارعي وياه قبل السنتين بس فهميه الغلط و الصح حتى من يصير سنتين يعرف الخطا و الصح 🔴 الطريقه الثانيه الفعاله هي طريقه العزل على كرسي الوكاحه او غرفه الوكاحه طريقه فعاله جدا و هو انه تعزل الطفل بدون صياح و بدون عواطف بغرفه منفصله مع اشرافك العمر اكيد بعد سنتين و الفتره هي متعارف عليها دقيقه لكل سنه يعني ٤ سنين = ٤ دقائق و هكذا هذه رهيبه الطريقه و فعاله بس اؤكد المكان لازم يكون امين و تحت نظرك من بعيد 🔴 الحرمان من المصروف او اللعب او الشي اللي يحبه يفيد جدا كل الاعمار و بالاخص المراهقين 🔴 ابدا لا تقاضي بين الجهال و مثل ما يكول المثل ” قاضي الجهال خنك نفسه ” مو علمود صحتك لا ابدا اي قرار راح تتخذه و مهما يكون عادل الطرف الاخر راح يحس بالظلم و يحس بالتفرقه 🔴 اهم نقطه عزيزي الاب اخي و ابني و صديقي و الله ما ينفع تعاند والدته حتى تبين انه انت الصدر الحنين و بالتالي الولد يخرب اكثر و اكثر و بعدين يصير صعب التربيه و صعب الرضا و يفشلك بالطلعه بره و بعدين تكول للام ” تربيتك طبعا ” انت دورك مهم و ايجابي وافق الام بتربيتها و نفس الشي للام لا تكسرين بكلام والد الطفل اذا عاقب 🔴 الضرب لا يفيد و لا يعلم و كلما ينضرب الطفل اكثر كلما يعيد الموضوع اكثر الضرب خطر بعيني شفت نزف دماغ لطفل عمره ٥ سنين ابوه ضاربه راشدي و طفل اخر صار عنده تمزق بالشبكيه من ضربه لامه على راسه هذا بوست العقوبات و موجود بوست كامل اسمه #star_chart عن المكافئات و اسلوب الترغيب التربية صعبه و اصعب من الصعبه بس بالوعي و الادراك تصير سهلة د. سيف سمير البياتي اخصائي طب الاطفال

التربية مليئه بالقرارات الصعبه
و من هذه القرارات هي العقوبات
🔴اول طريقه و اسهل طريقه
التجاهل
شايفه من يظل يبجي و يبجي و يبجي و ما يفيد بيه لا عيني و لا قلبي و لا حبيبي
و من تلبسيه و تتجاهليه يستقر ؟
هو هذا
محاوله تحقيق كل اللي يريده الطفل ينتج عنه طفل غير راضي عن كل شيء
التجاهل هو الحل
شايفه من بطلتي تطلعين بالشارع لان ابنك كلما يريد لعبه او شي لازم تشتريها و الا يشمر نفسه بالكاع
و انت حتى تحلين هذه المشكله بطلتي تطلعين بالشارع او السوق
في حين كان الحل سهل جدا لو من اول مره ما نفذتي اللي يريده و تجاهلتي البكاء حتى لو تدخل احد ثاني و كالك يلا سهليها
لا ابدا لا تسهليها
اللا هي لا
و اصري على موقفك
اعترف انه احنا الاباء ناخذ الخيار السهل و نسوي اللي يريده الطفل
لذلك الكلام موجه بالاغلب للامهات انت صح
استمري على موقفك و تجاهلي الطلب و تجاهلي البكاء و العياط
و تاكدي ما راح تتكرر
و اذا تكررت هم تجاهلي
احسن ما يصير الموضوع روتين
و تبقين للابد بهذه الدوامه
طيب من شوكت ابدي ؟
من عمر سنتين طبعا
و هذه اللي تكول عمره سنتين ما يفهم بالتربيه و الاسلوب هذه كلشي ما تعرف و لا تعرف الطفل كم يفهم
الطفل من عمره ٩ اشهر يعرف اللا و يعرف انه لا تسوي يعني لا تسوي
و من بعد ما تمر اول سنه من يغلط الطفل الزمي ايده او الزم ايده و باوع بعينه و كوله هذا غلط اللي دا تسوي
ما اكولك تصارعي وياه قبل السنتين بس فهميه الغلط و الصح
حتى من يصير سنتين يعرف الخطا و الصح
🔴 الطريقه الثانيه الفعاله هي طريقه العزل على كرسي الوكاحه او غرفه الوكاحه
طريقه فعاله جدا
و هو انه تعزل الطفل بدون صياح و بدون عواطف بغرفه منفصله مع اشرافك
العمر اكيد بعد سنتين
و الفتره هي متعارف عليها دقيقه لكل سنه
يعني ٤ سنين = ٤ دقائق و هكذا
هذه رهيبه الطريقه و فعاله
بس اؤكد المكان لازم يكون امين و تحت نظرك من بعيد

🔴 الحرمان من المصروف او اللعب او الشي اللي يحبه
يفيد جدا كل الاعمار و بالاخص المراهقين
🔴 ابدا لا تقاضي بين الجهال و مثل ما يكول المثل ” قاضي الجهال خنك نفسه ” مو علمود صحتك
لا ابدا
اي قرار راح تتخذه و مهما يكون عادل الطرف الاخر راح يحس بالظلم و يحس بالتفرقه
🔴 اهم نقطه عزيزي الاب اخي و ابني و صديقي و الله ما ينفع تعاند والدته حتى تبين انه انت الصدر الحنين و بالتالي الولد يخرب اكثر و اكثر و بعدين يصير صعب التربيه و صعب الرضا و يفشلك بالطلعه بره و بعدين تكول للام ” تربيتك طبعا ”
انت دورك مهم و ايجابي
وافق الام بتربيتها
و نفس الشي للام لا تكسرين بكلام والد الطفل اذا عاقب
🔴 الضرب لا يفيد و لا يعلم و كلما ينضرب الطفل اكثر كلما يعيد الموضوع اكثر
الضرب خطر
بعيني شفت نزف دماغ لطفل عمره ٥ سنين ابوه ضاربه راشدي
و طفل اخر صار عنده تمزق بالشبكيه من ضربه لامه على راسه
هذا بوست العقوبات
و موجود بوست كامل اسمه
#star_chart
عن المكافئات و اسلوب الترغيب
التربية صعبه و اصعب من الصعبه
بس بالوعي و الادراك تصير سهلة
د. سيف سمير البياتي
اخصائي طب الاطفال

التربية مليئه بالقرارات الصعبه و من هذه القرارات هي العقوبات 🔴اول طريقه و اسهل طريقه التجاهل شايفه من يظل يبجي و يبجي و يبجي و ما يفيد بيه لا عيني و لا قلبي و ل…