#التربية (من اين تبدا المثالية الظاهرية بالتجذر في شخصية الطفل؟) #عمر_السنتين #المراهقة_الاولى الي كل يوم بي الف مشادة ومشاكسه الامهات تقضي وقت عصيب جدا وتعاني بيها كلش وهي فترة مهمه جدا في حياة الطفل وتحتاج عناية اضافية، هو بالحقيقة اول 6 سنوات هي الي تحدد شخصية الطفل ولو كدرنا نحدد كل فتره شنو يكتسب فاختصر اول سنه: يكتسب بيها الثقة, هل العالم يتقبلني ام انا عبأ ؟ ثاني سنه: من انا؟ السنه الاولى شرحناها بوستات سابقة اغلبها تحت هاشتاك #التربية وتختصر بان تلبي حاجات الطفل وتقضي معظم وقت وياه (بالحقيقة كل وقتك 😂💔) وان تسمح له باقصى حد من الاستكشاف الآمن والحركه السنه الثانية: من انا؟ هو السؤال الي يراود الطفل ويخلي يتسال عن مكانته .. وذاته هل هو طفل رضيع يحتاج الام؟ ام هو شخص يستطيع الاعتماد على نفسه وضمن هذا التساؤل ، يخوض الطفل الآف التجارب والنزاعات مثلا يريد الام تداري بشكل مباشر ومبالغ ويتنحس لاي انشغال منهاا، وبوقت اخر يرفض اي مساعده ويحاول يلبس ملابسة وياكل بوحده، رغم هو احيانا ميكدر ،، ويوصل نقطه انه فعليا ميكدر، فينفجر بالبكاء ! 😅 هاي الفترة العمرية بيها هواي سمات وخصائص لكن اريد اركز في بوست اليوم على شي واحد الي هو طولي بالج ولاتشددين قوانين زايده واضافية رخي وخلي قانون ال (لا ) الثلاثة هو الاساسي وتنازلي عن اي شي ثاني وتفهمي هو نفسه مفاهم نفسه، فكيف رح يفهمج 😂💔 اكو نوع من الامهات تشدد كلش كلش خلال هاي الفترة العمريه وتخلي الطفل يمشي على السراط ومتقبل باي زله بطرق حازمه واحيانا قاسيه والنتيجه؟ ظاهريا نعم يستجيب بعض الاطفال (الي عدهم ميل نحو الانقياد، اما الطفل الي شخصيته قياديه حيرفص رفض قاطع حتى لو ادى الى ان يخسر حياته ميتنازل) نركز على الطفل الميال للانقياد، كثرة هذا التقييد والتقويم بهذا العمر حيرجع باضرار شديده ، تتمثل بان مجرد ما يقل الضغط او المراقبه ينفجر ، بان يكسر شي، يكرص اخته بالخفاء، ياذي حيوان وهكذا وطبعا ممكن يستمر هالشي ليطلع عدنا الشخص المتناقض الي كدام الناس حباب ويخبل، لكن المعاشرة الحقيقة تكشف هو شخص مسموم وكلش مسموم ويسمم كل شخص عايش وياه وطبعا غالبا يكون الزوجه المستقبلية هي اول متضرر ، اذا تزوجت هيج شخص لان مثل مكلت لكم كدام الناس هو الحباب، بس بالحقيقة هو قنبلة موقوتة بالعصبية والغضب والكرة وعلى طرف نقيض اذا رخت الام كلش حيتحول الى ان يكون هو المتحكم المسيطر ، مثل ماشرحت لكم ببوستات #هو_فرعون_منو_فرعنة شلون لعد نتعامل وياه؟ بالبوستات القادمه د.اسماء اسماعيل البدري

#التربية
(من اين تبدا المثالية الظاهرية بالتجذر في شخصية الطفل؟)

#عمر_السنتين

#المراهقة_الاولى

الي كل يوم بي الف مشادة ومشاكسه
الامهات تقضي وقت عصيب جدا
وتعاني بيها كلش

وهي فترة مهمه جدا في حياة الطفل وتحتاج عناية اضافية،
هو بالحقيقة اول 6 سنوات هي الي تحدد شخصية الطفل ولو كدرنا نحدد كل فتره شنو يكتسب
فاختصر

اول سنه: يكتسب بيها الثقة, هل العالم يتقبلني ام انا عبأ ؟
ثاني سنه: من انا؟

السنه الاولى شرحناها بوستات سابقة اغلبها تحت هاشتاك #التربية
وتختصر بان تلبي حاجات الطفل وتقضي معظم وقت وياه (بالحقيقة كل وقتك 😂💔)
وان تسمح له باقصى حد من الاستكشاف الآمن والحركه

السنه الثانية: من انا؟
هو السؤال الي يراود الطفل ويخلي يتسال عن مكانته .. وذاته
هل هو طفل رضيع يحتاج الام؟
ام هو شخص يستطيع الاعتماد على نفسه
وضمن هذا التساؤل ، يخوض الطفل الآف التجارب والنزاعات

مثلا يريد الام تداري بشكل مباشر ومبالغ ويتنحس لاي انشغال منهاا، وبوقت اخر يرفض اي مساعده ويحاول يلبس ملابسة وياكل بوحده، رغم هو احيانا ميكدر ،، ويوصل نقطه انه فعليا ميكدر، فينفجر بالبكاء ! 😅

هاي الفترة العمرية بيها هواي سمات وخصائص لكن اريد اركز في بوست اليوم على شي واحد
الي هو طولي بالج ولاتشددين قوانين زايده واضافية
رخي وخلي قانون ال (لا ) الثلاثة هو الاساسي
وتنازلي عن اي شي ثاني

وتفهمي هو نفسه مفاهم نفسه، فكيف رح يفهمج 😂💔

اكو نوع من الامهات تشدد كلش كلش خلال هاي الفترة العمريه وتخلي الطفل يمشي على السراط ومتقبل باي زله
بطرق حازمه واحيانا قاسيه

والنتيجه؟
ظاهريا نعم يستجيب بعض الاطفال (الي عدهم ميل نحو الانقياد، اما الطفل الي شخصيته قياديه حيرفص رفض قاطع حتى لو ادى الى ان يخسر حياته ميتنازل)

نركز على الطفل الميال للانقياد، كثرة هذا التقييد والتقويم بهذا العمر حيرجع باضرار شديده ،
تتمثل بان مجرد ما يقل الضغط او المراقبه ينفجر ، بان يكسر شي، يكرص اخته بالخفاء، ياذي حيوان وهكذا
وطبعا ممكن يستمر هالشي ليطلع عدنا الشخص المتناقض الي كدام الناس حباب ويخبل، لكن المعاشرة الحقيقة تكشف هو شخص مسموم وكلش مسموم ويسمم كل شخص عايش وياه

وطبعا غالبا يكون الزوجه المستقبلية هي اول متضرر ، اذا تزوجت هيج شخص
لان مثل مكلت لكم كدام الناس هو الحباب، بس بالحقيقة هو قنبلة موقوتة بالعصبية والغضب والكرة

وعلى طرف نقيض اذا رخت الام كلش حيتحول الى ان يكون هو المتحكم المسيطر ، مثل ماشرحت لكم ببوستات #هو_فرعون_منو_فرعنة

شلون لعد نتعامل وياه؟

بالبوستات القادمه

د.اسماء اسماعيل البدري

#التربية (من اين تبدا المثالية الظاهرية بالتجذر في شخصية الطفل؟) #عمر_السنتين #المراهقة_الاولى الي كل يوم بي الف مشادة ومشاكسه الامهات تقضي وقت عصيب جدا وتعاني…