#التربية
وصلتني رسالة على الخاص وطبعا استأذنت منها أن اتكلم عنها بشكل علني، وعادي وافقت
المهم
كالت لي عفيه ابني يريد شيل ٢٤ ساعه وإني ظهري انكسر وبعد ما اتحمل..
كتلها شكد عمره؟
كالت ٣ سنوات !!!
كتلها ومنو كالج ابقي شيلي؟
كالت غير دا اتبع النصائح الي على الصفحه……
واضح عدها سوء فهم..
ارجوكم اقرئوا المنشور بدقه وعناية…
كل منشور اكتبه أوضح العمر المناسب بكل وضوح
طريقه التعامل لطفل عمره اقل السنه تختلف جذريا وي الطفل الي عمره سنتين.. وتختلف جذريا عن الي بعمر٣
كل عمر اله خصائص ومميزات وطرق تعامل ..
كمثال بسيط
عمر قبل السنه من يخرمش ويضرب ويأذي.. ننطي وجه مجرد من المشاعر
عمر ٣ سنوات من يخرمش ويأذي نبچي أو نتباكى ونوضح له بكل طرق التعبير أن هذا الفعل مؤلم
مو نبقي ننطي وجه خالي من المشاعر!!!
هيج عياله انت ماعندك احساس اصلا !
واساسا هو ديسوي لجذب الإنتباه
عموما الموضوع صعب وإني اقدر هذا الشي وإني شخصيا رغم كثره اطلاعي دا أوجه صعوبات…
الرسالة الي اريد اكولها ..
لاتطبقون نصائح عمر معين ، لغير عمر …!
لان النتائج ابدا مو مرضيه بل وسلبية
د.اسماء إسماعيل البدري
