الدنيا حظر جزئي و الخوف من كورونا مالينا و الاطفال محجورين ببيت صغير يكمزون من لعبه للعبه و ما هامهم الموضوع اصلا اباوع عليهم قبل شويه سووا المخاد مطبخ و كعدوا يلعبون و مره يحجون ويه نفسهم و مره ويه اللعبات و مره ويه المخدات ! الصغيره لزمت علبه المرهم مالتها و عرفت تفتحها و خلت منه على راسها اخذته منها راح لعبت بالطحين و خبصت نفسها بيه وراها نزلت اغراض المطبخ و رادت تكسر ماعون زجاج و اخذت الجدر و خلته على راسها زين اكولها لا ؟ و شراح يفيد راح تبطل؟ طبعا الجواب لا زين هم ليش هيجي يسوون ؟ يعني اوكي اطفال يحبون اللعب بس ليش هاللعب العنيف المو نظيف اوكي تقكير طفل و بعده عقله صغير و يحب هالشي ! ابدا مو هيجي الموضوع علم النفس يكول انه تفكيره Egocentric هذا العادي بالنسبه اله و انت من تدكين و تلطمين لان دار جدر المركه على ملابسه انت اللي مو طبيعيه و انه الموضوع ابدا ما يسوه اللي سويتيه من عياط و صياح !! اي هو هيجي يكول هاي شبيها ليش هالمبالغه لا و من تعيطين و تصيحين و تكولين راح اهج و اعوفكم ثاني يوم عنده عادي يعيد اللي سواه اول يوم !! هذا مو غباء و لا انت ما عرفتي تربين هو اصلا ما مهتم للي سويتيه و متفاجيء اصلا من رد فعل حضرتك ( الاوفر ) ثم تعاي اذا هسه ما استكشف لعد شوكت يستكشف و يريد يذوق و يلمس و يشم و يشوف كلشي الان و بالتالي ما راح تلحكين عليه و بالتالي كومه حوادث و اصابات حب الاستكشاف عادي للطفل و اللعب التخيلي عادي للطفل و راح يستمر الى عمر ٧ سنين و حتى بعد ال ٧ سنين هم ما راح يفكر مثل ما انت تفكرين الا لغايه عمر ال ١٢ سنة !! يا اب و ام انطوهم مساحه خلوهم يلعبون و يجربون و يخربون و يشخبطون و يوسخون و يكسرون مو مبرر طبعا انه ينجرح او يتاذى بس خلي الطفل يلعب كتبتلكم بوست صغير قبل ايام اشكي بيه من حركه لينه و انه صعدت و نزلت الدرج و نزلت الاغراض و كذا و كذا اكيد قسم وصلهم الهدف من البوست انه خلوهم يا اخوان يا اخوات خلوهم يلعبون هذا عمرهم اي و الله ادري انت مضغوطه و تعبانه و البيت و الرجال و العيال و انه من حقك جدا تعصبين و هذا طبعا عدا ثقل الكارونه و همها و قهرها بس افتهميهم و بالهداوه و بلا عياط و لا صياح فكرهم راح ينضج و انت ترتاحين #مو_كلتلك_اول_عشربن_سنه_صعبة_وراها_ترتاحين د. سيف سمير البياتي اخصائي طب الاطفال

الدنيا حظر جزئي
و الخوف من كورونا مالينا
و الاطفال محجورين ببيت صغير
يكمزون من لعبه للعبه و ما هامهم الموضوع اصلا
اباوع عليهم قبل شويه سووا المخاد مطبخ و كعدوا يلعبون و مره يحجون ويه نفسهم و مره ويه اللعبات و مره ويه المخدات !
الصغيره لزمت علبه المرهم مالتها و عرفت تفتحها و خلت منه على راسها
اخذته منها راح لعبت بالطحين و خبصت نفسها بيه
وراها نزلت اغراض المطبخ و رادت تكسر ماعون زجاج و اخذت الجدر و خلته على راسها
زين اكولها لا ؟
و شراح يفيد
راح تبطل؟
طبعا الجواب لا
زين هم ليش هيجي يسوون ؟
يعني اوكي اطفال يحبون اللعب بس ليش هاللعب العنيف المو نظيف
اوكي تقكير طفل و بعده عقله صغير و يحب هالشي !
ابدا مو هيجي الموضوع
علم النفس يكول انه تفكيره
Egocentric
هذا العادي بالنسبه اله
و انت من تدكين و تلطمين لان دار جدر المركه على ملابسه انت اللي مو طبيعيه و انه الموضوع ابدا ما يسوه اللي سويتيه من عياط و صياح !!
اي هو هيجي يكول
هاي شبيها ليش هالمبالغه
لا و من تعيطين و تصيحين و تكولين راح اهج و اعوفكم ثاني يوم عنده عادي يعيد اللي سواه اول يوم !!
هذا مو غباء
و لا انت ما عرفتي تربين
هو اصلا ما مهتم للي سويتيه و متفاجيء اصلا من رد فعل حضرتك ( الاوفر )
ثم تعاي اذا هسه ما استكشف لعد شوكت يستكشف و يريد يذوق و يلمس و يشم و يشوف كلشي الان و بالتالي ما راح تلحكين عليه
و بالتالي كومه حوادث و اصابات
حب الاستكشاف عادي للطفل
و اللعب التخيلي عادي للطفل
و راح يستمر الى عمر ٧ سنين
و حتى بعد ال ٧ سنين هم ما راح يفكر مثل ما انت تفكرين الا لغايه عمر ال ١٢ سنة !!
يا اب و ام
انطوهم مساحه
خلوهم يلعبون و يجربون و يخربون و يشخبطون و يوسخون و يكسرون
مو مبرر طبعا انه ينجرح او يتاذى
بس خلي الطفل يلعب
كتبتلكم بوست صغير قبل ايام اشكي بيه من حركه لينه و انه صعدت و نزلت الدرج و نزلت الاغراض و كذا و كذا
اكيد قسم وصلهم الهدف من البوست انه خلوهم يا اخوان يا اخوات
خلوهم يلعبون
هذا عمرهم
اي و الله ادري انت مضغوطه و تعبانه و البيت و الرجال و العيال و انه من حقك جدا تعصبين
و هذا طبعا عدا ثقل الكارونه و همها و قهرها
بس افتهميهم
و بالهداوه و بلا عياط و لا صياح فكرهم راح ينضج و انت ترتاحين
#مو_كلتلك_اول_عشربن_سنه_صعبة_وراها_ترتاحين
د. سيف سمير البياتي
اخصائي طب الاطفال

الدنيا حظر جزئي و الخوف من كورونا مالينا و الاطفال محجورين ببيت صغير يكمزون من لعبه للعبه و ما هامهم الموضوع اصلا اباوع عليهم قبل شويه سووا المخاد مطبخ و كعدوا…