#التلفزيون_والطفل 📺
الجزء الثاني 2️⃣
⏪هسه اتفقنا؟
اول سنه انسي شي اسمه تلفزيون للطفل .. انسسسسسي ❌
🔸تجين تكولين مو مايسكت ..
🔸مايخلني اشتغل ..
🔸 بس يبجي..
اوكي حقج واجي وياج..
نطرح حلول واختاري،
🚩حلج هو فرشي الكاع فراش نظيف و(لين) يعني ميأذي..
وخلي بالكاع خلي مكعبات.. العاب🏀🎳🎲 ….
خلي يزحف خلي يتعرف ع محيط..
باعي عليه واشغلي وسولفي 🗣️ ..
هذا احسن تمرين تنطي اله👍..
🔸ميقبل يريد شيل؟
🚩شيلي وطمني وحبي وبوسي 😘 وارجعي خلي على الكاع من تحسي مستعد،
وشجعي للعب والعبي شوي وياه وانطي انشطه والعاب.
🚩الفيس واليوتيوب وبرامج ع نت مليااااااانه ملياااااانه انشطه وتناسب كل الأسر..
من مواد بسيطه إلى مواد معقده وغاليه ..
كلشي موجود.. اعذريني ..
بس ابدا ما الج حق تشمري ع تلفزيون تحت اي ظرف بهذا العمر ..🚫
🔸صار وحطيتي فتره ومتدرين؟
🚩اوكي صلحي الغلط وبعد لاتحطي.. 👍
ابدي قللي تدريجي أو مباشره واستحملي النحاسيه😣 والبجي 😭 هاي الفتره.. تره وضعه صعب جدا.. 😔
مثل مدمن وسحبوا المخدرات منه،
⁉️ليش هي هيج مخدرات ؟🤔
نعم مخدرات وبجدارة ….
لان عقل الطفل يحاول يلكه العبره أو المنفعه من كلشي يشوفه عقله متعطش للمعرفه..
التلفزيون وبهذا المحتوى الغير مخصص لعقله حيخلي يجاهد ويجتهد حتى يلكه الفائده ..
وحيبقى مشغوووول فعليااااا لدرجه يتشتت عن اي شي ثاني.. مثل واحد باله حسبه.. يريدلها حل ..
ومالها حل .. 😣😞
🔸اكو جهال غيره يتفرجون وهو يتفرج؟
🚩لاتفتحين هاي القنوات التافهه اصلا.. وقنني الوقت اقصى حد ممكن..
مو ٨ ساااااعااااات 😵🤯🤚 وكلها طربكه وهوووسه والوان قيامه الله وموسيقى تزرف الأذن ومن عدا المحتوى الي ميناسب الطفل بهالعمر تماماااا
🔸زين لعد مايمكن يكون التلفزيون بي فائده؟؟
🚩نعم ممكن بي فائده بس مو بهاي الطريقه..
لعد شلون؟
يتبع ..
د.اسماء اسماعيل البدري
