السلام عليكم
السناب اون، او ابتسامة هوليود المتحركة😁
هي مثل مادتشوفون بالصورة قالب متحرك يغطي الاسنان ويكون متحرك ووقتي….
هل هو مفيد؟ وينطي شكل ابتسامة حلوة؟
حالات نادرة جدا ممكن يفيدهم هذا القالب، لان مراح يكعد صح ولاينطي نتيجة لطيفة الا اذا كانت الاسنان صغيرة و متفارقة، اما اذا احد عنده اسنان متقدمة او متراكبة فنهائيا مراح تطلع نتيجة حلوة بهذا القالب.🤕
زين شنو مضارة؟
اذا انلبس لمدة طويلة راح ياثر على الأطباق مال الاسنان وممكن يسبب الم وضغط على اللثة😑
ومن ضمن مضارة انه مخارج الحروف على الاغلب راح تتخربط عند الشخص اثناء لبسة.🙄
ينصحون بيه اطباء الاسنان؟
لا على الاغلب معظم اطباء الاسنان ما ينصحون بية، وان نعمل فمثل ماكلنه لحالات نادرة ومثلا لشخص رايد حل سريع ليوم واحد.
شون يتحضر؟ الطبيب ياخذ طبعة ويسوها على شكل قالب يرتبون شكل الاسنان بطريقة تتناسب وية حالة المريض وبعدين يتحضر هذا القالب الي ينلبس على اساس التعديلات الي صارت على القالب الاول، وراها يلبسها المريض وتتجيك اذا اكو حافات حادة او شي.
🤚🤚اما الي تنباع اونلاين فهاي كلها خدع لان ماكو شي يرهم على قياسات اسنان الكل! 🤦♀️
كل واحد بينة اسنانة وفكة يختلف عن الثاني👍
احد مجربة؟ شايفين احد لابس منه؟
شاركونا ارائكم وتجاربكم
تحياتي
د.همسة الدهان
#همسة_الدهان
from د. سيف سمير البياتي