#الطفل_الذكي
#الحركة
الطفل حتى ينمو ويطور عقله، يحتاج يغذي عقله
غذاء العقل يشمل ال(الطعام الصحي, التدريب الفكري (تفكير تحليل منطق خبرات) والاوكسجيييين)
وهنا موضوع البوست
#الاوكسجين
جدا جدا مهم من أجل نمو عقل الطفل ..
ومثل ما نعرف الطفل سرعة النمو مالته أعلى بهواااي من الإنسان البالغ، خصوصا اول سنه
أما حجم رئته فهي صغيره، مقارنه بالإنسان البالغ
ودماغة محتاج كميات وافرة من الأوكسجين حتى ينمو بشكل صحي …
وعليه يحتاج حركه ، حركه حركه
هاي الحركه هي تخلي يتنفس اعمق، اسرع
وبالتالي يوفر اوكسجين اكثر ..
مثل من نتدرب بالتمارين الرياضية .. نكوم نلهث…
طبعا هذا الشي أيضا فوائد على مستوى بناء العضلات،
بس حاليا خلونا مركزين بالعقل …
كثره حركه الطفل ونشاطه البدني حتى لو تشوفي بسيط , هو مهم جدا لعقله
من اول ايام خلي على بطنه، حيكوم يكافح … ويتنفس أعمق.. ثواني جدا كافيه، وكرريها كل فتره ,
بعدها من يبدي يتقلب ويزحف .. لاتقيدي ، لاتربطي .. مدام تكدرين
حركته مو غلط
حركته صحه
من يبدي يمشي شجعي يركض.. مو كله لاااااااتركضضضضضضضضض
خلي يركض خلي
يحتاج يتحرك يحتاج اوكسجين يحتاج عقله ينفتح …
هاي الحركه الها فائده عظيمه على كل فعاليات الطفل،
الطفل الي عنده مشكله لغويه ، يدويه، ادراكية، كلهم محتاجين حركه , حتى يساعد دماغة ينمو ويعوض التأخر …
الطفل ميحتاج يكعد ويخمل ويصفن
خصوصا اول سنتين
يحتاج يتحررررك والكثير من الحركة
وبالحركه بركه ❤️
الطفل السليم، الطفل الي يتحرك ,
طفل طبيعي … طفل ذكي
ملاحظة:(البوست يشمل الحركه الطبيعية وليس حالات ال
Hyperactivity وفرط الحركه)
د.اسماء اسماعيل البدري