المسكن الافضل للولادة؟
سؤال كل وحدة حامل بشهرها دكتورة صدك اكو ولادة بدون الم؟
المسكنات الي تستعمل خلال الولادة انواع
☘️ابر مسكنة بسيطة مثل الاكوابان او الترامال وهذي غالبا مو مؤثرة جدا ك مسكن الام وغير مصرح عالميا باستعمالها ك مسكن لالم الولادة بس هواية تستخدم .
☘️البثدين ابرة مخدرة ومسكنة وتختلف فعاليتها لقتل الالم والتنويم اثناء الولادة من مريضة لاخرى يعني مريضة كلش ترتاح عليها ومتحس بشي ومريضة تكول ابد مفادتني لان عتبة الالم واحساس الالم يختلف بدرجاته وشدته من شخص لاخر👌🏽البثدين غالبا متوفر بالمستشفيات الحكومية وقليل يتواجد بالاهلي وينصرف تحت اشراف الطبيب مباشرة وبجرع محددة ووقت محدد يعني مينفع ننطي وانت ببداية الولادة لان رح يروح مفعوله من وكت ومنكدر ننطيج اكثر واذا انطينا بنهاية الولادة هم مترهم لان ياثر عالطفل يعني مسكن ومخدر يعطى بوقت محدد 👌🏽
☘️الغاز الضاحك او اوكسيد النتروجين غاز يستنشق مثل الاوكسجين يوضع للمريضة بماسك وتشتمه ويقلل من الالم وهوايه استفادو منه يخفف الالم ومياثر عالجنين غالبا.
☘️اهم مسكن واقوى مسكن واحلى مسكن
الابيديورال “ابرة الظهر” معروفة وموجودة باغلب مستشفيات العالم عبارة عن كانيولا توضع وكاثيتر يعني جهاز اعطاء يوصل المخدر بصورة مستمرة وكميات محددة لمنطقة الابيديروا يعني بالظهر تختلف عن المخدر النصفي spinal الي يعطى احيانا بالعمليات الجراحية
هذا المسكن يخدر الاعصاب تمام ف متحس المريضة بالم بس تحس الرحم يتقلص فقط بدون الم اضافة الى انه اذا احتاجت قيصرية طارئة متحتاج تخدير الابيديروال يغطي المنطقة ويكفي للعملية ويكفي ك ميكن لبعد العملية لمدة ٦ ساعات غالبا
يعطى من قبل طبيب تخدير متمرس وهو من يتابع المريضة من ناحية الحساس بالالم والحاجة لزيادة الجرعة او تقليلها وطبيبة النسائية تتابع امور الولادة مثل اي ولادة اخرى 👌🏽
ماكو الم ماكو خوف من الخياط للمنطقة ماكو احساس بالفحص والانزعاج منه كلها هذي متحسين بيها ويا الابيديروال
بالنسبة لتواجده ببغداد اغلب المستشفيات الاهلية موجود بيها وسعره يفرق لان بي متابعة من طبيب اضافي وهو طبيب التخدير
الاختيار ك افضل مسكن يختلف من مريضة لاخرى حسب فحصها وكت الولادة يجوز مباقيلها شي وتولد مثلا اضافة ل التاريخ الطبي للمريضة يخلينه نحددالافضل الها شنو
الصحة والسلامة والولادة السهلة لكل حامل بشهرها هسه 🙏🏼🙏🏼🙏🏼
.
.
.
د رحاب مجيد
https://www.facebook.com/Dr.Rihabmajeed
from د. سيف سمير البياتي