ولو مو اختصاصي بس حبيت افيدكم بهذه المعلومه
عن تساقط الشعر بعد الحمل
هل الحمل اله علاقه بالموضوع ؟
هل الرضاعه الطبيعيه الها علاقه بالموضوع ؟
الجواب هو
حتى ينمو الشعر يحتاج إلى مرحلتين
مرحله النمو اللي اسمها Anagen
و بعدين يوقف النمو اللي اسمها telogen
و بعدها توكع الشعره و ترجع اناجين تلوجين
زين طيب ؟
بالحمل اكو هرمون اسمه الاستروجين هذا الهرمون راح يطول مرحله النمو و يعزز الشعر اللي بمرحله النمو و بالتالي راح تقل مرحله إيقاف النمو لذلك بالحمل راح يكون شعر الحامل ينمو أكثر و اغزر
طيب؟
صارت الولاده و قل الاستروجين و مر الجسم بشده لذلك كل الشعر اللي كان مخططله يوكع بالحمل راح يوكع هسه
ممكن حتى ٣٠ بالميه من الشعر يوكع !!!
و هنا شنو لازم اسوي؟
و لا شي انتظري
راح ترجعين للطبيعي خلال ٣ إلى ١٢ شهر و ينتهي الموضوع
هل الرضاعه الطبيعيه تأثير؟
الجواب لا مالها اي علاقه بالموضوع
شكرا الكم
و اتمنى عجبتكم المعلومه
from د. سيف سمير البياتي