المضاعفات والمشاكل الي ممكن يسببها شراب الدكسون او حبوب الدكسون الي يستخدموها الناس لفترات طويلة كمسمن لزيادة الوزن !
هالعلاج ممكن يسبب زيادة بالوزن نتيجة مشاكل بتخزين الدهون
ممكن يسوي بيك مرض الضغط
او مرض السكر
او اضطراب في المناعة
او هشاشة العظام
او اعتام عدسة العين (يصير بياض عليها يكوم الشخص ميشوف بعينه )
او ارتفاع ضغط العين
او تثبيط النظام الوطائي النخامي الكظري
او تثبيط النمو عند الاطفال
او أكثر من نقطة من النقاط المذكورة اعلاه سوية يسويهن بيك
الناس يستخدموه لفترات طويلة وهالشي غلط جدا وميصير اصلا يستخدم للسمن
هالعلاج يستخدم بإرشاد الاطباء حصرا وعادة نوصي الاهل لمن نوصفه الهم انه يستخدموه ٥ ايام او أكثر بقليل حسب حاجتنا الة وبهيج مدة قصيرة ميكون بيه هيج مضاعفات خطرة و اعراضه الجانبية تكون جدا قليلة
لذلك ممنوع استخدام هالعلاج او اي علاج بيه مادة الستيرويد ( سواء حبوب او شراب او عصارات ) بدون وصفة طبيب
حساب التوعية على الانستاغرام
https://instagram.com/dr_salmand?igshid=qbd41hnknyb3
د. سلمان داود
مقيم اقدم اطفال
