هذا البوست للامهات و الآباء اللي أوزان اطفالهم تحت المعدل الطبيعي
طبعا هي اطعمه غنيه بالطاقه
نبدي بيهن وحده وحده و بعض الأفكار بالتحضير
هذا المقطع الاول عن الخضروات و الفواكه
١. البطاطا غنيه جدا بالطاقه و البطاطا الحلوه بالأخص ممكن قليها و ممكن اضافتها للشوربات او حتى شويها
٢. الحمص و البزاليا و باقي البقوليات بصوره عامه ممكن خلطها مع الرز او اضافتها للشوربات ممكن اكلها مثل ما هي بطرق الطبخ التقليديه
٣. الموز ممكن تعتبر كاكله بين الوجبات او خلطها مع الحليب او حتى ككريمه فوق التوست
٤. الافوكادو غنيه جدا جدا بالطاقه و ممكن اعطاؤها كفطور فوق التوست او كجزء من السلطات
٥. تتذكرون البوستات القديمه عن الفواكه المجففه؟
كلشي مجفف يعني اضعاف الطاقه مثل التين المجفف و الخوخ المجفف و المشمش المجفف و الزبيب و الكشمش
ممكن تقديمها مباشر او خلطها مع اللبن او ممكن وضعها كتزيين للكيك و غيرها
.
.
هذا المقطع هو الثاني للامهات و الآباء اللي أوزان اطفالهم تحت المعدل الطبيعي
طبعا هي اطعمه غنيه بالطاقه
هذا البوست للاجبان و مشتقات الحليب
لا ننسى انه الاغذيه الغنيه بالكالسيوم مثل الحليب و مشتقاته تعارض امتصاص الحديد فخلوها بعيده عن اللحم
البوست الأول كان للفواكه
نبدي بيهن وحده وحده و بعض الأفكار بالتحضير
١. الحليب الكامل الدسم كلش يسمن بحيث الكوب منه بيه ١٥٠ كيلوكالوري
٢. اللبن الكامل الدسم و نفس قيمه الحليب و ممكن اضافه الفواكه اله و بالأخص الفواكه المجففه
٣. الأجبان و بالأخص الشيدر
بعدها يجي جبن الفته و جبن الموزريلا
ممكن تناول الجبن مع السندويشات و حتى ممكن يتذوب و ينضاف على الخضراوات المختلفه
٤. الحليب المثخن ممكن اضافته ساخنا إلى الحبوب الكامله و لخلطات الحليب مع الفواكه
٥. الجبن المخفوق اللي هو ال
Cream cheese
.
.
هذا المقطع الثالث
هذا المقطع للحبوب
نبدي بيهن وحده وحده و بعض الأفكار بالتحضير
١. الشوفان : اي نعم الشوفان ما اعرف منين تجي نظره انه الشوفان يضعف
الشوفان جيد للريجيم لان يشبع فتره طويله
بس الكوب منه بيه ١٤٣ كيلوكالوري !!!
ممكن تناوله فطائر او مثل البسكت او شوربه او ينخلط مع الحليب او كحبوب كامله
٢. حبوب الكينوا و هذه موجوده بالمولات و الكوب بيه ٢٢٢ كيلوكالوري ممكن اضافته للشوربات
٣. الرز الأسمر و الكوب بيه ٢٢٥ كيلوكالوري
٤. التوست الأسمر او الأبيض الشريحه بيها ٧٠ كيلوكالوري
استخدموها للفطور و ادهنوها بالزبده و ضيفوا زبده الفستق و الفواكه المجففه عليها
٥. البان كيك
Pan cake
تكدرون تحضروه ببساطه بالبيت و اكيد طرق تحضيره موجوده على كوكل
٦. الوافل
Waffle
و هذا مثل اللي قبله غني بالطاقه و سهل التحضير و ممكن تنضافله الكثير الكثير من الاضافات الغنيه بالطاقه
مو تنسون الهاشتاك
للاطلاع على باقي البوستات
الهاشتاك هو #د_سيف_سمير_البياتي_تغذية
د. سيف سمير البياتي
اخصائي طب الاطفال
