#المقبلين_على_الزواج
الجزء الأول
حبيت نهتم شوي بالعزباوييين قبل دخولهم القفص الازلي 🔐
عفوا القفص الذهبي 🤭
نصائح للعروس👰💍:
ورة ماتتفقون ع الذهب وشكد الذهب، والمؤخر ووووو كل هاي الحبشكلات، وحان وقت السوالف،
خلي فتره الخطوبة ( اذا كان ممكن) لاتقل عن 3 أشهر ولاتزيد عن 6 أشهر كمعدل
وخصصي وقت لمناشقه امور مهمه
الي هي
1.🖍️موعد الطفل الأول… خصوصا اذا مجان العروس والعروسه ماخذين على بعض بشكل كافي، لازم يتاجل شويه كمعدل (بعد 3 شهور) ..
2.🖍️مكان السكن (مشترك ام منعزل)
3.🖍️مسؤلياتك في المنزل (سواء مشترك أو منعزل) هل عليج الطبخ والنفخ والتلميع وغسل السطوح، وتنشيف ماء البحر، وسقي المواشي وتلقيح النخيل، وغسل الزوالي ، وتعليق الثريات، وصبغ الجدران، فتح المجاري، تسليك السنك، تصليح المكيفات، تطبيگ الكاشي، وكنس الشارع ،
4.🖍️مسؤليات زوجك في المنزل، لاتقتصر على توفير المال، (تناقشوا في ذلك)
6.🖍️الخطوط الحمراء التي لايمكن تجاوزها.. (الاحترام والتفاهم، واي أمر آخر تعتبريه خط احمر)
7.🖍️طريقة حل المشاكل، لازم تكون نقاش مستفيض وتفاهم، بوقت مناسب، مو عباره عن حلبة مصارعه واستعراض عضلات … وسوالف صراحه ورسائل الفيس بوك بطلوهن ،
8.🖍️ اشرحي لخطيبك، أن الأم شي والزوجه شي ثاني ، وميمشي وحده على حساب اللخ.. الأم الها مكانتها ، والزوجه الها مكانتها ، وهو لازم يعرف شلون يقيم بواجباته تجاه كل وحده (تجاة أمه وتجاه زوجته)
9.🖍️ كوني صريحة وواثقه من نفسج، لاتمثلين ولاتزييفين .. والشي الي معجبج كولي هسه ، مو تكولين لا خاف يزعل!
10.🖍️اذا اكو طبع شفتي معجبج بزوجج، لاتغلسين عليه وتكولين يلا عود يتغير!! ماكو هيج! الي ميعجبج خلي ببالج احتمال 90% يبقى … سالفة عود يتغير مثل سراب.. لو تتقبلي هو مثل ماهوه.. لو تكليله هذا طبع ميناسبني وما اكدر اتكيف وياة
طبعا، للأسف ثقافه التاهيل للزواج بالعراق معدمه تماما، ودا افكر نسوي كروب تاهيل المقبلين على الزواج ،
سووا منشنات المخطوبين خل يسهرون اليوم يتعاركون 😂🤭
قصدي يتفاهمون 😁😁
والجزء الجاي نصائح للعرسان 🤵
ساعدني باعداد البوست المحامية فاطمة السامرائي (كونها على اطلاع جيد بقضايا الطلاق الي صايره شربه مي للأسف)
د.اسماء إسماعيل البدري
