هذه مجموعه من التساؤلات مع بعض الاجوبة و اخرى اتركها بين يديكم : اكدر انطي طفلي قطعه حلويات ؟ اني و انت ندري انه هي مو زينه عليهم بس هل نكدر نمنعها و الحلويات بكل مكان ؟ زين اذا حرمتهم من الحلويات ما ممكن يحصلها من غير مكان؟ زين نحجي علم شكد لازم ياكل سكريات باليوم حسب الأكاديمية الامريكيه لطب الاطفال تكول بالزايد ٢٥ غرام بس هذه ال ٢٥ غرام تتحصل باكله العادي اليومي من البسكت و المعكرونه و الفواكه و عصيرها زين صدك هو السكريات و الحلويات هلكد سيئه ؟ اي انت تدري انه سكر اكثر تسوس اكثر و سمنه اكثر و تعرض للسكر بالمستقبل اكثر زين احنا كلنا مجربين من ناكل شاي و وياها بقلاوه نحس بالشاي مر مو بالله ؟ فكيف طفل راح يحب الموز و التفاح و هو تذوق السكريات و الحلويات ؟ الطفل من يتذوق الحلو بعد ما يهمه ابدا موضوع انه يشبع او لا المهم عنده انه يسد شهيته بالسكر اي سكر اي شي حلو ما راح يهتم بعد لاي فاكهه لان لا تضاهي احساس السكر على لسانه زين لعد شاسوي ؟ من يتوسل بيه الا مصاصه او الا نستله شاسوي ؟ لا تكوله ماكو مصاصه او ماكو بيبسي كوله البيبسي او المصاصه بيها مواد كيماويه هوايه و هذه المواد مو زينه عليك للاب و الام افتهموا من تنطوه قطعه جكليت راح يطلب قطعه جكليت اخرى و من ياخذ الاخرى راح يطلب الاخرى الموضوع اشبه بادمان الكوكايين زين سؤال هم يحتاجون الحلويات و النساتل و المصاص؟ الجواب لا طبعا ما بيها اي قيمه غذائيه مهمه دائما فهموهم انه السكر مو جيد من يطلب حلويات كوله اوكي انطيك حلويات بس اكل تفاح او موز قبله قللوا السكريات باكلهم و قللوا العصير الطبيعي و الصناعي و قللوا الحليب الصناعي بعد السنه الى كوب او 2 و اكطعوا السكريات و الجبس و زيدوا الخضراوات و الفواكه و اللحوم و افطمي من المميه بعمر السنه انت خوش ام و انت خوش اب انت تعرف مصلحه طفلك مو طفلك يعرف مصلحته د. سيف سمير البياتي اخصائي طب الاطفال

هذه مجموعه من التساؤلات مع بعض الاجوبة و اخرى اتركها بين يديكم :
اكدر انطي طفلي قطعه حلويات ؟
اني و انت ندري انه هي مو زينه عليهم
بس هل نكدر نمنعها و الحلويات بكل مكان ؟
زين اذا حرمتهم من الحلويات ما ممكن يحصلها من غير مكان؟
زين نحجي علم شكد لازم ياكل سكريات باليوم
حسب الأكاديمية الامريكيه لطب الاطفال تكول بالزايد ٢٥ غرام
بس هذه ال ٢٥ غرام تتحصل باكله العادي اليومي من البسكت و المعكرونه و الفواكه و عصيرها
زين صدك هو السكريات و الحلويات هلكد سيئه ؟
اي انت تدري انه سكر اكثر تسوس اكثر
و سمنه اكثر
و تعرض للسكر بالمستقبل اكثر
زين احنا كلنا مجربين من ناكل شاي و وياها بقلاوه نحس بالشاي مر مو بالله ؟
فكيف طفل راح يحب الموز و التفاح و هو تذوق السكريات و الحلويات ؟
الطفل من يتذوق الحلو بعد ما يهمه ابدا موضوع انه يشبع او لا
المهم عنده انه يسد شهيته بالسكر اي سكر اي شي حلو ما راح يهتم بعد لاي فاكهه لان لا تضاهي احساس السكر على لسانه
زين لعد شاسوي ؟
من يتوسل بيه الا مصاصه او الا نستله شاسوي ؟
لا تكوله ماكو مصاصه او ماكو بيبسي
كوله البيبسي او المصاصه بيها مواد كيماويه هوايه و هذه المواد مو زينه عليك
للاب و الام افتهموا من تنطوه قطعه جكليت راح يطلب قطعه جكليت اخرى
و من ياخذ الاخرى راح يطلب الاخرى
الموضوع اشبه بادمان الكوكايين
زين سؤال هم يحتاجون الحلويات و النساتل و المصاص؟
الجواب لا طبعا ما بيها اي قيمه غذائيه مهمه
دائما فهموهم انه السكر مو جيد
من يطلب حلويات كوله اوكي انطيك حلويات بس اكل تفاح او موز قبله
قللوا السكريات باكلهم
و قللوا العصير الطبيعي و الصناعي
و قللوا الحليب الصناعي بعد السنه الى كوب او 2
و اكطعوا السكريات و الجبس
و زيدوا الخضراوات و الفواكه و اللحوم
و افطمي من المميه بعمر السنه
انت خوش ام
و انت خوش اب
انت تعرف مصلحه طفلك
مو طفلك يعرف مصلحته
د. سيف سمير البياتي اخصائي طب الاطفال

هذه مجموعه من التساؤلات مع بعض الاجوبة و اخرى اتركها بين يديكم : اكدر انطي طفلي قطعه حلويات ؟ اني و انت ندري انه هي مو زينه عليهم بس هل نكدر نمنعها و الحلويات ب…