من الاشياء اللي ممكن تجنبها هي اللي صاير عند الاطفال بالصور !
خلونا نقرا هذه المحادثه
🙂: دكتور اكثر من مرة اشوف اطفال عدهم مثل اللي بالصورة ، يا ترى شنو هذه الحالة؟؟؟🤔🤔
🤗: شوفي بنتي هذي الحالة يسموها زملائنا اطباء الاسنان بال
Open bite
و تصير لكثير اسباب ، بس اكثر سبب شائع هو الطفل من يخلي اصبعه بفمه فترات طويلة و اللهاية هم نفس الشي تسوي، تشوفين الاسنان الامامية يصير بيها بروز الى الامام ، لذلك لازم ننبه الاهل على هالشغلة
🙂: زين الها علاج؟؟
🤗: اي الها علاج و الزملاء اخصائيي التقويم مسؤولين عن علاج هكذ حالات
🙂: زين دكتور سؤال اخر عالاسنان😅😅، كثيير اطفال عدهم تسوس خاصة بالاسنان الامامية و مرة سمعت صديقتي طبيبة اسنان تقول هذي تصير من ورا الحليب بس ما عرفت ليش
🤗: اي صحيح ، الحليب او اي سائل بيه سكريات و خاصة اذا يُعطى عن طريق المميه , و الطفل ينام و المميه بفمه ، فيكون معرّض لتسوس الاسنان
🤗: زين انا اسألك ، بما انه الحديث عن الحليب ، اجت ام مرضعة و ابنها عمره سنة و عنده فقر دم و هي ترضعه حصرا من حليب الصدر ، شنو سبب فقر الدم برأيج ؟؟؟
🙂: سهله دكتور هاي لان بس حليب يرضع الطفل و بالاخص اذا رضاعه طبيعيه
لان بعد ال 6 اشهر حليب الام ما يكفي كمصدر وحيد للحديد و لازم الطفل يبدي ياكل حتى ياخذ الحديد من غير مصادر ، فاللي يعتمدون على رضاعة الام حصريا بعد ال 6 اشهر يكونون معرضين لفقر الدم
منقول
