اليوم مصطلح جديد
اقروا ويايه
#toddler_diarrhea
اللي هو الاسهال المزمن اللي يصيب الأطفال باعمار من ٦ اشهر إلى ٥ سنين
هذا الاسهال يصير اسهال مزمن يعني على فتره طويله
يصير بيه الخروج من ٥ إلى ١٠ مرات باليوم
الخروج ريحته كريهه جدا
و بيه قطع الاكل مثل البزاليا و الجزر و غيرها
بس بنفس الوقت يكون الطفل طبيعي و وزنه و نموه طبيعي بالمتابعة مع الطبيب
السبب لهذا الاسهال هو كثره تناول العصير و الأشياء الحلوه بالسكر مثل الشوكولا و قله تناول الدهون و البروتين مثل الفواكه و بالأخص قشورهن اللي بيها مواد مسهله طبيعيا و العصير
بس لا نطمئن و نشخص بكيفنا
اذا كان الاسهال بيه
١. دم
٢. ارتفاع حراره
٣. الم بطن
٤. قيء
٥. فقدان وزن
٦. او عدم زياده وزن
رأسا نراجع الطبيب
لان هذا اكيد مو
#toddler_diarrhea
العلاج
كلش سهل
مجرد تغير قائمه الطعام
و نقلل الفواكه
و ازيد البروتين و الدهون
اي صح نزيد الدهن
من الجبن و التفاح عدا القشر و البطاطا المسلوقه
و اكطع العصير نهائيا
و خلال كم يوم
يستقر الطفل
تعرفون انه العصير ممنوع تحت السنه مو ؟
و انه من عمر سنه إلى ٣ سنين فقط يحقله ١٢٠ سيسي بالزايد باليوم و كلما اقل احسن ( يعني نص باكيت الشربت )
و بعمر ٤ سنين إلى ٦ سنين يحقله فقط من ١٢٠ سيسي إلى ١٨٠ سيسي باليوم ( يعني نص إلى ٣ أرباع باكيت الشربت )
و بعد ال ٧ سنين يلا يحقله يشرب باكيت ابو الربع كامل
طبعا الغايه
لتقليل التسوس
و لتقليل السمنه
و للاستفاده من ألياف الطعام
ها قبل ما انسى
الممنوع هو العصير الطبيعي المحلى و الغير محلى
المصنوع بالخلاط او بغير شي
شكرا الكم
د. سيف سمير البياتي
اخصائي طب الأطفال
from د. سيف سمير البياتي