امتدادا لبوست الزميله المحترمه د. اسماء بحديثها عن الام اللي رزقت بطفل رضيع مؤخرا والتحديات اللي تواجهها
العناصر المناعيه بحليب الام تحمي وتساعد على نمو البكتيريا النافعه بجسمه
اخذيهه قاعده ابنج يرضع اللي انتي تاكلي
يعني باختصار اتركي الاكل الحار (اللاذع) اتركي المنبهات (الشاي والقهوه) اتركي المشروبات الغازيه
القرنابيط واللهانه والبقوليات اللي تاكليهه تسببله مغص وتلبكات معويه
اكلي اسماك (اوميكا ٣ كلش مهم لتطور دماغ طفلج )
لازم مايكون عندج نقص فيتامين دي
لازم تشربين ٣ اكواب حليب يوميا
لازم تشربين مي ٨ الى 12 كوب بالحد الادني
مصادر الحديد من لحوم وكبده كلش مهمه
الفواكه والخضار كلش مهمه كنز بالفيتامينات والمعادن وسعراتهه غالبا قليله
شلون تعرفين حليبج كافي ورضاعتج صحيحه ؟ نمو الطفل دليل
نوم الطفل الهانئ دليل
مقاومته للامراض دليل
نصيحه مفيده
: لاتتوترين ..التوتر يقلل انتاج الحليب
الرضاعه تحتاج غذاء وطاقه بس بحدود المعقول لاتخلين نفسج توصلين للبدانه علمود دترضعين ولا تحرمين نفسج لأن زاد وزنج بالحمل وتتسببين بحرمان الطفل
النضام الغذائي لازم يتضمن كل العناصر الغذائيه بس كمياتهه مو ثابته للكل مثل ما قلتلكم كل جسم اله احتياجه خصوصا فيما يخص السعرات والفيتامينات والمعادن وطبيبج يحدد احتياجج
عندكم نصائح او شنو سمعتوا من (نصائح) من كنتوا ترضعون؟؟؟؟
د.زينه البياتي /طبيبه التغذيه
https://www.facebook.com/zinaclini/
from د. سيف سمير البياتي