#سلسلة_الرضاعة_الطبيعية
أهمية دور الزوج 👨في نجاح الرضاعة الطبيعية
هواي امهات 👩🏻تعتقد أن الزوج👨 ميكدر يشارك بالرضاعة الطبيعية🤱، عكس الصناعية🍼، يعني ممكن تنطي الممه للاب وهو يساعد الطفل يشرب.
لكن الحقيقة دور الزوج أو الأب جدا جدا مهم في مشوار الرضاعة الطبيعية،
وبوست اليوم حيكون موجه للاباء أو الازواج،
عزيزي الاب،
الله سبحانه وتعالى وهب لك من صلبك طفلا صغيرا 👶🏻، ضعيفا، ستراه يكبر امامك ، وبسرعة كبيرة.. وستندهش عندما تشاهد صورا قبل عام أو عاميين كم كان حينها ابنك صغيرا.. وهو الان يلعب في أرجاء المنزل🧒🏻..
مسؤليتك انت وزوجتك تجاة هذا الزائر الجميل، مسؤولية كبيرة ، وشاقة .. لكنها جميلة جدا..
مسؤليتك منذ أن حملت زوجتك كانت في توفير الغذاء الجيد والراحة من أجل أن يتخلق ابنكما في رحمها دون نقصان أو عيب.. وحين ولدت كانت مسؤليتك في أن تفتخر بها وبقوتها.. وحين حان وقت الرضاعه يقع على عاتقك دور مهم جدا..
هسه يكول وإني شعليه 😑
ابنك مثل ماهو ابنها اكيد تتمناله افضل رعايه وافضل غذاء وافضل صحه.. وهالشي كله موجود في حليب الأم…
لكن مهمه الرضاعة الطبيعية🤱 تحتاج دعم مستمر وتشجيع كبير من كل الي يحيطون بيها… 👨👩👦
وبما أنه اغلب الي يحيطون بيها يكلولها كلام سلبي للاسف وتحطيم (“ماعندج حليب” “حرام عليج موتي جوع؛انطي ممه” , “هاي كم ساعه ترضعين! انطي ممه وفضيها”) دورك هنا صار مضاعف لان احتمال حتكون المساند الوحيد .. 😅
عزيزتي الاب.. هل تعلم ان الله سبحانه وتعالى فرض عليك نفقه خاصه اذا كانت زوجتك ترضع طبيعا..
وهالنفقه مو لان هي بعازه الفلوس! لا ابداً .. هالنفقة هي أحد أشكال الدعم..
زوجتك من ترضع طبيعي حترجع بالفائدة الك وللطفل ولنفسها،
حتوفر عليك مبلغ وقدره💲💴💵 مو بس توفير مبلغ الحليب الصناعي، وانما كشفيات الأطباء👨🏻⚕️ والادوية💊، لان حليب الأم عباره عن مناعة وصحه،
زوجتك من ترضع طبيعي🤱 ، رح تخلي ابنك ريحته تجنن 😍.. مثل ريحتها.. مو ريحة حليب
زوجتك من ترضع رح تخليك تنعم بنوم اطول😴 بالليل لان ميظل يبجي الليل كله من مغص الحليب الصناعي..
ابنك من حيرضع طبيعي رح يكون اذكى👨🏫..
من ترضع طبيعي رح تقل احتمالية اصابيتها بأمراض السرطانات،
وقائمة📑 الفوائد تطول ولاحصر لها.. وتكدر تطلع عليها من اي مصدر طبي موثوق..
كل هاي الأمور رح تحصلها بمقابل شوي مساعدة منك..
هسه تكول شسوي قابل هي الي رح ترضعة.. 🙄
اني اكلك شتسوي وبالتفصيل:
.
💠١- شجعها ثم شجعها ثم شجعها … وباستمرار وابعدها عن الانتقادات خصوصاً إذا صدرت من اهلك او من والدتك👵.. ولاتكول اني شعلية مدخل نفسي هاي سوالف نسوان..
لا ابد هاي مو سوالف نسوان هاي صحه ابنك ومستقبله ..
سوالف النسوان الي مالك دخل بيها هي سوالف الاعراس لو هدوم👗 لو ياحذاء👠 تختار لو لون صبغ شعرها💇🏻♀️..
مو صحة ابنك ..
💠٢. حاول تطلع على المعلومات الحديثه بخصوص هذا الموضوع، سواء هاي السلسلة أو اي مكان موثوق ثاني.حته تعرف تساعدها في حال واجهتكم اي مشكله .. يعني اذا معرفت ترضع مثلا.. شوف فديوات وعلمها.. وارشدها أن تقرأ📖👓 وتثقف نفسها في هذا المجال..
💠٣.من تشوفها ترضع جيب لها كلاص مي🥛 لان حتكون كلش عطشانه.
.
💠٤- بالايام الاولى الطفل يرضع اغلب الوقت🕐 ومحتلحك تطبخ أو تاكل .. حاول توفر اكل صحي بالبيت ووكلها و هي ترضع.🤱
💠٥- ساعدها بتغيير حفاظة البيبي حتى تأخذ شوي راحة🚼
.
💠٦- اذا الطفل انمغص أو كام يبجي دون سبب واضح، شيلة وخلي على صدرك وشوفة شلون رح يهدأ( هواي مرات من الاب يشيل الطفل المتنحس يسكت راسا ) حنان الاب غير 😉
.
💠٧-ونرجع نكول شجعها ، وشجعها انه تكمل الرضاعه خصوصا اذا كانت تستسلم بالبدايه. ومن أمثلة التشجيع، أنه تكول لها انتي كدها💪، وميخالف فترة وتروح خصوصا اذا كانت دتتالم بسبب التشققات بالبداية،
.
💠٨- وفر لها المخدات يمها و يساعدها بوضعيه الرضاعه المريحه، واسندها .
💠٩. اشتري لها غطاء رضاعة تستخدمه وقت الطلعات.. وساعدها تحطه ورتبه عليها بحيث تنستر وميبين شي.. ولتكول اني اغار عليها وما اقبل ترضع بره البيت..😒 رجاءا يعني بس تره كلنا نعرف الغيره والغيره مو هيج.. الغيرة هي أن تغار على صحتها وصحه ابنك ، الغيره أنه تسوي الصح لمصلحه عائلتك مو تسوي شي غلط حتى ترضي المجتمع أو الناس.
💠١٠. من تطول وهي ترضع لتكلها هاي شدتسوين صارلج ساعه ترضعين!! تره تدري هي دترضع ورجليها هم خدرن لان صار ساعه كاعدة ترضع! 😑هالشي طبيعي في سبيل زيادة كميات الحليب.. من تشوفها صارلها ساعه ترضع بوسها من راسها وكول لها گواج الله .. تردين مساعدة ❤️؟
💠١١.اقضي وقت اضافي🕐 مع طفلك الرضيع.. 👶🏻هذا الوقت ذهبي وحيمشي بسرعة جدا، ومستحيل يتعوض.. ابدا كوّن رابطه وي طفلك من اول يوم، واستشعر المعجرة الي وهبها الله الكم😍… وخلال هالوقت خلي زوجتك شوي تنام وترتاح..
حيث تشير الإحصائيات الى أن الزوجات اللاتي يحصلن على دعم أكبر من أزواجهن يكن اكثر قدرة على استكمال فترة الرضاعة الطبيعية بنجاح مقارنة بالأمهات اللاتي يعانين من تجاهل الآباء،😞
لذا دورك ايها الاب في تقديم الدعم اللازم لزوجتك مهم جدا.. ولتكول ابدا اني شلعية.. انت الاب ، انت عمود الأسرة.
ملاحظة أخيرة للام👩🏻: انطي مجال لزوجج أن يعتني بالطفل من اول يوم مو تكولين ميعرف وميدبرها.. تره هوه ابوه وحريص عليه مثلج وانتي هم جنتي متعرفين عادي شوي شوي تعلمتي.. مو بعدين تكضيها تتشكين وتكولين له متساعدني وكله براسي..😒
هسه اريد كل وحدة تسوي مينشن لزوجها👨
د.اسماء إسماعيل البدري
from د. سيف سمير البياتي