انهاء الحمل
مريضات كثيرات ماعدهم استعداد مادي ومعنوي وجسدي لحمل جديد ويجون يطالبون بانهاء حمل وانه هو بالبداية ومابي روح وكذا
طبعا بالدول المتطورة انهاء الحمل حق من حقوق المرأة بس مو كل الدول تمشي عليه واكو صراعات عالقانون هذا😶
شرعا اكو ناس تكول بعده بالبداية
انسانيا اني دا اقتل روح حتى وان كانت بعدها بيضة ملقحة يعني مضغة
موضوع شائك بي بعد اجتماعي وديني وطبي
طبيا انت دتعرضين نفسج لخطر الاسقاط ومضاعفاته باختيارج مو قضاء وقدر صار من ما اقبل او غيري ميقبل لتروحين تاخذين حبوب ومتعرفين شيصير بعدها مجرد غضب واستنكار للطفل الجاي
استعملي مانع مضبوط مناسب الج وانتظمي عليه لتخليها امور مو واضحة واذا صار تعالو نزلو
لطفا للمرة المليون انت مو انت بس انت البيت كله انت الام والخيمة لاطفالج لتتهورين بقرار خطأ كوني حكيمة من الاول واستعملي مانع مظبوط مو امي كالت وبنت خالتي سوت وزوجي كال 👌🏽
د رحاب مجيد شريف
https://www.facebook.com/Dr.Rihabmajeed
from د. سيف سمير البياتي