بلوغ الفتيات
العمر الطبيعي للبلوغ عند الفتيات يتراوح بين ٨-١٣ سنة ويختلف حسب الوزن والتاريخ العائلي والبيئة الجفرافية مناطق حارة او باردة كذلك حسب العرق بي اختلافات بس الغالبية ضمن هذا المعدل
بداية النضوج هي ظهور العلامات الجنسية الثانوية واولها نمو وزيادة الطولو بداية بروز الثدي وتكتمل بنزول الدورة الشهرية للمرة الاولى👌🏽
البنت تختلف بنموها عن الولد كونها تبدي ابكر من الولد بس النمو والطول يزيد بتدريج اكثر من الولد مهم خلال هذي الفترة الي تكون بحدود سنتين قبل نزول الدورة انه نبدي بالتدريج نفهمها ونوعيها للنمو الي ديصير وشنو الي رح يصير بعد فترة ابدا لتتهربون من الموضوع وتخلو يبدي ك تجربة سيئة 🙏🏼
شوكت اني اخاف او اقلق ولازم اودي البنوتة للطبيبة واتاكد كلشي تمام؟
اذا الدورة الشهرية او اي نزف رحمي ظهر قبل عمر ٨ سنوات او اتاخرت الدورة بعد عمر١٤ سنة
اذا مظهرت الصفات الجنسية الثانوية مثل بروز الثدي او ظهور الشعر في المناطق الحساسة والابط الى عمر ١٣سنة هذا معناهاممكن اكو خلل ولازم نتاكد
اول اشهر الدورة مو شرط تكون منتظمة بالايام او الكمية
شي وارد مو شرط معناها اكو خلل اذا الدورة منتظمت بس مو نزف ننتظر احيانا ل١٧-١٨ سنة تبدي تنتظم اهم شي انه مو نزف واهمشي البنت مو سمينة حتى لتتفاقم الحالة اذا كانت بداية تكيس المبايض
مهم جدا وجدا انه منفوت هذا الحدث بدون منكعد ونسولف شنو يعني دورة شهرية من الناحية العلمية والنفسية شاركيها تجربتج وتجارب اختج او صديقتج حتى تعرف الموضوع من نقاط مختلفة 😊
مبروك ماماتي انت كبرتي وصرتي كبيرة وامراة ناضجة هذا الشي كلنه نمر بي وشي حلو ومعناها امورج طيبة
كوني حذرة خلال فترة الطمث واعلمها استعمال الحفاظات بالطريقة الصحيحة وضرورة النظافة والعناية خلال هذي الفترة واخلي فد حافظة لطيفة والوان حلوة للحفاظات النسائية بخزانتها وكذلك ملابس داخلية خاصة لايام الدورة الشهرية وغسول بسيط حتى تحس اكو اشياء تميزها 😊
التعامل يختلف ويا البنت وراهاانطيها احترام وحجم اكبر بالبيت احسسها اني وابوها انه هي كبيرة حتى متستحي وتخجل بدون داعي وتحس شي غلط صار او ايهو انت بعدج صغيرة شنو هالسالفة وشلون رح تسيطرين لان هو حدث جديد ومربك الها ومصاحب اله تغيرات هرمونية وتغييرات شكل ممكن تخجل منها مهم جدا نزيد ثقتها بنفسها هالفترة👌🏽
احفظ اوقات الدورة لبنتي واتابع وياها مو شرط هي راسا رح تكون واعية للموضوع
احيانا اكو الم شهري بس الدورة متنزل بهالحالة ضروري تراجعين بيها للطبيبة
بنوتاتنه الحلوات امهات المستقبل❤️❤️❤️
معا لانشاء جيل صحي نفسيا وجسديا
د رحاب مجيد شريف
https://www.facebook.com/Dr.Rihabmajeed
from د. سيف سمير البياتي