بما انه الاجواء امتحانات وداخلين على فصل محبوب ومنعش😒😒 اريد احجي وياكم بموضوع واحجي ويه نفسي همين تعرفون بحياتي الشخصيه وحتى العمل شكد اشوف ناس واني منهم دائما…

بما انه الاجواء امتحانات وداخلين على فصل محبوب ومنعش😒😒
اريد احجي وياكم بموضوع واحجي ويه نفسي همين
تعرفون بحياتي الشخصيه وحتى العمل شكد اشوف ناس واني منهم دائما اعصابهم مشدوده
هسه بله اني طبيبه وظروف عملي قاسيه
واكيد الكل الهم ظروفهم بس اللي شفته هوايه من اللي عندهم زياده بالوزن تكون اكو خربطه بهرموناتهم ومنها الهرمونات اللي تسبب السمنه
طبعا احولهم لأطباء غدد صم احيانا قد يكون اكو اسباب فعلا مرضيه وهوايه منهم سبب المشاكل الهرمونيه عندهم هو الstress
سابقا قبل لا ادخل كليه الطب كنت استغرب من احد يقول من القهر اسمن😳😳اگول شنو هالحجج الواهيه
بس طلعت صدك من درسنا طلع فعلا اكو ناس من الاسباب اللي تزيد وزنها بدون ماتاكل شي يستاهل تزيد وزنها (للامانه ياكلون بس حالهم حال غيرهم)
فاللي اريد اوصله الكم ولنفسي قبلكم انه خل نحاول نتقبل كلشي حوالينا على كد منقدر مو بس لأجل موضوع وزن وجمال بس الصحه تستاهل واحنه نستاهل
واريد اترجاكم بموضوع ثاني بما انه هسه فتره امتحانات اخر السنه لاتأذون اطفالكم واولادكم بالاخص المراهقين تره هذوله احساسهم بالامور اعمق بحيث تتهول عندهم المشكله وياما شفنه هيج اعمار اذوا نفسهم بسبب ضغوطات اهلهم
وساعتها مايفيد الندم انصحوهم وصادقوهم ورغبوهم بالدراسه بحب وهدوء على كد متقدرون
سولفولي عندكم هيج اشخاص من القهر يسمنون
احجولي تجاربكم

د.زينه البياتي
طبيبه التغذيه
https://www.facebook.com/zinaclini/

https://instagram.com/albayatyzina?igshid=1uvmggtlwokl8