بنتي او ابني ٢٤ ساعه ايده بفمه و ما يوخرها !!
مليت زهكت تعبت شوون شاسوي ؟
اول شي اريدك تعرفيه ان عاده مص الاصابع عند الاطفال الصغار و بالاخص تحت سنة عاده شي حميد و ما مخيف و غير مزعج
و اصلا بالاعمار الصغيره نكول خلوهم يعلمون نفسهم على مص اصبعهم علمود ينامون
🤤 ايييي تخيلي عاده مص الاصبع يسويها الطفل من يجوع
من يتوتر
من يتعب
و اصلا مص الاصبع مفيد لتفريغ الشحنات و تقليل التوتر 🤤🤤🤤
💔 بلغة الارقام ٧٥% من الاطفال اللي عمرهم اقل من سنة يمصون اصبعهم
و حتى التاثير ما راح يصير الا بعد ١٨ شهر
و ما ياثر على صحه الاسنان بكد المميه ( الببرونه )
ولو انت فطمتي من المميه بعمر سنه او عمر سنة و ٣ اشهر مو لو اني غلطان؟
لذلك جوه السنه نتركه
فوك السنه نشاغله نلعبه نشمرله طوبه من يخلي ايده بفمه
🙄 زين د. شنو يؤثر مص الاصابع على الطفل؟
1. تشوهات الفك و الاسنان
2. تقرحات الاصابع
3. ممكن تسبب اذى بمخارج الحروف
4. مشاكل نفسيه من اصدقاؤه يشوفوه يخلي اصبعه بفمه و يبدون يقلدون عليه
5. اكيد خطر العدوى و نقل الجراثيم للفم
د. سيف سمير البياتي
اخصائي طب الاطفال
بوست قريب عن اساليب ترك عاده مص الاصبع قريبا و نبدي بيها من عمر ١٨ شهر
#الطفل_مص_الاصبع
