تكرار الاصابة بكورونا
اسمع من هنا و هناك
دكتور صار بينا كورونا مرتين و ثلاثه مرات و اربع مرات
ببساطه رحت دورت بكوكل عن الموضوع
الحالات المثبته عالميا هن 4
اول حالة بامريكا تكررت الاصابه خلال شهرين و الاصابه الثانيه كانت اقوى و اشد من الاولى
ثاني حاله في هونك كونك و كانت بعد ٤ اشهر و الاصابه الثانيه بدون اعراض
هولندا بعد ٣ اشهر و الاصابتين خفيفات
الاكوادور بعد ٣ اشهر و الاصابه الثانيه كانت اقوى
💖زين نقطه نظام ليش يعني اعاده الاصابه مال ذوله الدول نصدك بيهم و اصابه فلان الفلاني من العراق للمره الثانيه ما تصدك بيها !!
بالحالات الاربعه اللي تسجلت بيها العدوى كان التسلسل الجيني للفايروس يفرق عن الاصابه الاولى
💖 تسلسل جيني ؟
اي نعم
الفايروس لحد الان صار بيه 12000 تحوير و اختلف حاله كحال بقيه الفايروسات مو شي جديد
💖 زين لعد ليش بالعراق دا يكولون انصابينا مرتين و ٣ و اربعه ؟
لما تطقست عن السبب
طلعت الاسباب كالتالي
اما باول اصابه ما شخصوا حالتهم بمسحه حصرا
او يظنون ان اي تحليل ايجابي بعد الاصابه بعشرة ايام اعاده اصابه
في حين من الطبيعي ان المسحه ممكن تبقى موجبه لمده ٣ اشهر بعد الاصابه مثل ما صار مع ديبالا
💖 شون نتاكد من تكرار الاصابه؟
ببساطه مسحتين ايجابيتين مع عمل تسلسل جيني للفيروس
💖 لا احنا مصرين انه احنا انصابينا مرتين و ثلاثه و اربعه ؟
اوكي
حمد لله على السلامه
دمتم بود
د. سيف سمير البياتي اخصائي طب الاطفال
