حبيت اشرحلكم جدول اللقاح مال الأمهات
طبعا اللقاح ممكن تاخذه الام باي عمر و حسب السلسله اللي راح اشرحها تحت
اللي كاعد يصير
انه الام تاخذ اللقاح بالحمل و بس
و لما تصير حامل ثاني تعيد الجرع من البدايه
الموضوع مو هيجي ابدا
الموضوع موضوع لقاح لازم تاخذيه بالسلسه الكامله مالته حتى ما تضطرين تعيديه ويه كل حمل
الجدول هو كالتالي
تاخذ لقاح الكزاز الجرعه الأولى بشهر الرابع او الخامس (اذا جانت حامل)
الجرعه الثانيه بعد شهر من الأولى
الجرعه الثالثة بعد ست اشهر من الثانيه
الجرعه الرابعه بعد سنه من الثالثه
الجرعه الخامسه بعد سنه من الرابعه
هاي اللقاحات تناخذ اذا جانت الام حامل او حته اي امراه في سن الانجاب حته لوماجانت حامل لازم تكمل خمس جرع بحياتها
و عليه أتصور عرفتوا ليش الام اللي تجي تلقح بالطفل الثالث .. المركز يكوللها ما تحتاجين لقاح
لان هي اخذت ال ٥ جرع
فعليه كتوصيه: التزمي بموعد لقاحك حتى لا تضطرين تعيدين اللقاح بكل حمل
تمنياتي الكم
بحمل سلس
و ولاده اسهل
و طفل سليم معافى
و لا تنسون المشاركه من الصفحه او نسخ الرابط في اي كروب
غير مسموح أبدا بإعاده كتابته للبوست باسماؤكم
د. سيف سمير البياتي
اخصائي طب الأطفال
