حسب اخر خبر
فان شركه Kinder سحبت منتج بيضتها المشهوره من الأسواق الايرلنديه و البريطانيه بعد أصابه 50 طفل بالتسمم بجرثومه السالمونيلا نتيجه تناولها
طبعا السحب لعدد محدود و فقط بالأسواق الايرلنديه و البريطانيه
الخبر ذكر بمصادر عالميه كبيره مثل موقع الشركه الأم قبل يومين و على قناه ال BBC News
كندر سحبت منتجها و بدت تحقيقات بالموضوع
و أتصور الخبر ما يخصنا بالعراق لان ذاكره الشركه ان السحب تم فقط من ايرلندا و بريطانيا
السؤال الأهم تتخيلون شكد من انواع اغذيه الاطفال بالسوق العراقيه ملوثه؟
عرفتوا أتصور ليش الاطفال بطنها توجعها يوميه و هم يوميه ياكلون جبس و نساتل ما معروف طبيعتها او مصدرها شنو
هاي بيضه كندر اللي سعرها بالف دينار هم صار بيها تلوث و تسمم و كذا فكيف بجبس ابو اثنين بربع ؟
من اكول للأم او الاب اكطعي النساتل و الحلويات و الجبس و كأنما سبيت العنب الأسود
لا شون مو هو طفل
و كأنما الطفل مو مطلوب منه ياكل اكل براسه خير
روابط الخبر بالتعليقات
د. سيف سمير البياتي اخصائي طب الاطفال
from د. سيف سمير البياتي