خلي احجيلكم عن متلازمة (الطفل غير الحصين)
تتميز هاي المتلازمة انه الام والأب يخافون على طفلهم فيما يخص صحته ونموه بشكل اوفر وغير طبيعي
انطيك مثال
لمن الاهل يقلقون على صحة طفلهم نتيجة مرض طبي مثل كونه اجى للدنيا سبيعي او عنده تشوهات خلقية بالقلب فهالشي طبيعي بالحد المعقول
لكن المو طبيعي هو انه يستمر القلق حتى بعد شفاء الطفل وتعافيه! هنا راح نسميها متلازمة الطفل غير الحصين
غير الحصين معناها انه الاهل يحسون طفلهم عرضة للخطر وما محمي رغم ماكو سبب يخليهم يخافون هلكد ويقلقون
المشاكل الي تسببها هاي المتلازمة للأهل هي
١- التعلق ( ميكدرون يعوفون الطفل وحده ابد حتى لو بشغلة بسيطة متحتاج وجودهم يمه)
٢- ارق ميكدرون ينامون الليل
٣- يحمون الطفل بشكل اوفر لدرجة يتأذون ويتاذى الطفل بسبب حمايتهم
٤- قلق دائم
اما الطفل فهو هم راح يتأذى بسبب تصرفات اهله
١- يتعلم عالدلال الزايد ومساوئه
٢- مشاكل بالسلوك والتصرفات كمثال ميكدر يعتمد على نفسه او يصير اناني
٣- مشاكل بالمدرسة (ما متعود عالاختلاط و يخاف يبقى بوحده بسبب تعوده على وجود اهله قريبين منه)
٤- مشاكل بتكوين الصداقات مع الأطفال الي بعمره
ديروا بالكم على اطفالكم، لا تقلقون بشكل زايد، راقبوا تصرفاتكم و قدمولهم الحماية بشكل معتدل
ميخالف يلعب بالتراب شوية و ميخالف يوسخ نفسه بالطين او يسوي العاب بالطين شوية
ميخالف يطلع للمطر شوية
ميخالف ما يشتهي ياكل
النظافة باعتدال
الحرص باعتدال كلشي باعتدال حلو
والزيادة بأي شيء كالنقصان
.
.
حساب التوعية على الانستغرام
https://instagram.com/dr_salmand?igshid=qbd41hnknyb3
د. سلمان داود
طبيب تدرج
