زين ليش أصر على موضوع ان اغلب الأمراض هي عدوى ! الوقايه ببساطه الصفحه و اني و كل أطباء الدنيا تركز على موضوع الوقايه احنا لازم نفهم منين يجي المرض حتى نتجنبه مو يجي المرض و نكول من السبلت او من الحر او من الجو و نكون احنا ماكلين همبركر دجاج من فلان مطعم و نكول ماله علاقه مثل ما يصير حاليا و حالات التسمم الغذائي اللي صارت و دا تصير بهذه الفتره و كل صيف و احنا راسا نلوم السبلت او الحر او الطلعه اغلب امراض الاطفال عدوى و حتى امراض الكبار زين و عرفنا شنسوي؟ في حال عرفنا انه السبب مثلا للاسهال انه انتقل من شخص بالغ لاطفالنا هذا معناه انه اكو خلل بغسل اليدين او تعقيم المميات او التنظيف و هنا لازم نمنع طرق الانتقال و نشوف شنو الخلل اعتمادنا على ان السبلت يمرض و الجو يمرض و البرد يمرض خلانا نهمل ابسط طرق الوقايه اللي هي الكمامه و خلانا نتزاور و نروح و نرجع و احنا اطفالنا مرضى و ننقل الفايروس سواء كو.رو.نا او غير كو.رو.نا للاخرين من طفلك يتمرض الزمي بيتك و لا ترحين لغير بيت و تنقلين الفايروس للناس لان ممكن مناعه أولادهم أضعف من مناعتك يؤلمني منظر أطفال اعرفهم عدهم ربو و امهم مثقفه جدا من اسألها منو اجاكم تكول و الله دكتور فلانه و بنتهم مريضه او ام ثانيه عدها طفل خديج صار بيه اسهال لان فلانه جايه تباركلها و ابنها بيه اسهال و دخل الخديج للمستشفى و بعد ١٤ يوم يلا تحسن ! هذا هو سبب اصراري على الوقايه الوقايه حياه السبلت ما يمرض التقارب مع البشر يمرض دمتم بود و جمعه مباركه د. سيف سمير البياتي اخصائي طب الاطفال

زين ليش أصر على موضوع ان اغلب الأمراض هي عدوى !
الوقايه ببساطه
الصفحه و اني و كل أطباء الدنيا تركز على موضوع الوقايه
احنا لازم نفهم منين يجي المرض حتى نتجنبه
مو يجي المرض و نكول من السبلت او من الحر او من الجو و نكون احنا ماكلين همبركر دجاج من فلان مطعم و نكول ماله علاقه مثل ما يصير حاليا و حالات التسمم الغذائي اللي صارت و دا تصير بهذه الفتره و كل صيف و احنا راسا نلوم السبلت او الحر او الطلعه
اغلب امراض الاطفال عدوى
و حتى امراض الكبار
زين و عرفنا شنسوي؟
في حال عرفنا انه السبب مثلا للاسهال انه انتقل من شخص بالغ لاطفالنا هذا معناه انه اكو خلل بغسل اليدين او تعقيم المميات او التنظيف و هنا لازم نمنع طرق الانتقال و نشوف شنو الخلل
اعتمادنا على ان السبلت يمرض و الجو يمرض و البرد يمرض خلانا نهمل ابسط طرق الوقايه اللي هي الكمامه
و خلانا نتزاور و نروح و نرجع و احنا اطفالنا مرضى و ننقل الفايروس سواء كو.رو.نا او غير كو.رو.نا للاخرين
من طفلك يتمرض الزمي بيتك و لا ترحين لغير بيت و تنقلين الفايروس للناس لان ممكن مناعه أولادهم أضعف من مناعتك
يؤلمني منظر أطفال اعرفهم عدهم ربو و امهم مثقفه جدا من اسألها منو اجاكم تكول و الله دكتور فلانه و بنتهم مريضه
او ام ثانيه عدها طفل خديج صار بيه اسهال لان فلانه جايه تباركلها و ابنها بيه اسهال و دخل الخديج للمستشفى و بعد ١٤ يوم يلا تحسن !
هذا هو سبب اصراري على الوقايه
الوقايه حياه
السبلت ما يمرض
التقارب مع البشر يمرض
دمتم بود
و جمعه مباركه
د. سيف سمير البياتي اخصائي طب الاطفال

زين ليش أصر على موضوع ان اغلب الأمراض هي عدوى ! الوقايه ببساطه الصفحه و اني و كل أطباء الدنيا تركز على موضوع الوقايه احنا لازم نفهم منين يجي المرض حتى نتجنبه مو…