❌ علموا أطفالكم ما يقعدون بحضن أحد مهما كان السبب وحتى لو كان الشخص من قرايبه،مثل العم ، الخال،… الخ.
❌ ممنوع تبدلون ملابسكم قدام الاطفال اللي عمرهم فوق السنتين.
❌ لا تقبلوا أحد يقول لأطفالكم (زوجي)، (زوجتي),….الخ
❌ إذا راحوا أطفالكم يلعبون ويا غير أطفال، لازم تتابعوهم وتعرفون شنو الالعاب اللي لعبوها و التفاصيل، لان ممكن الطفل يتعرض الإستغلال جنسي من طفل آخر.
❌ لا تفرضوا على أطفالهم أنه يزورون شخص بالغ همه ما يريدون يزوروه أو ما يرتاحون بوجوده، إذا شفتوا الطفل يتفادى هذه الزيارة لازم تخلون بالكم وما تعوفوه أبداً ويا هذا الشخص بمفردهم
❌ إذا شفتوا أطفالكم يعوفون نشاطات أو فعاليات كانوا يروحولها و يحبوها، لا تضغطوا عليهم، وإسألوهم ليش ميريدون يروحون
❌ الثقافة الجنسية لازم تكونو إنتوا اللي تعلموهم بصورة علمية تتناسب مع القيم و الاخلاق المجتمعية و الا سيبحث طفلك عن مصدر آخر و قد يعلمهم مفاهيم خاطئة
❌ لازم تشوف الأشياء اللي يريد يشوفها بالتفزيون او الموبايل او الأجهزة الأخرى قبل ما يشوفها حتى تعرف إذا هذا الشي يوالم عمرهم لو لا وخاف بيه شغلات خادشة للحياء
❌ تاكدوا من أطفالهم شلون يستخدمون الإنترنت و إستخدموا برامج تحجب الأشياء اللي ما تناسب عمرهم
❌ إسمعوا لأطفالكم من يجون يشتكون الكم من شخص أو أشخاص معينين، ولا تهملوا شكواهم و إتحروا عن الموضوع
❌ علموا أطفالكم إنو انتوا موجودين دائما حتى يرجعوا لكم إذا شافوا تصرف أو تعامل مريب من أي شخص، وإنوا انتوا تصدقون بيهم، و اح تددافعون عنهم، موجودين دائما حتى تحموهم
لا تنسون تنشرون المنشور اذا شفتوه مفيد، وربي يحمي كل أطفالنا من ضعاف النفوس
د. سوران حسن زنكنة
طبيب اختصاصي باطنية ( الأمراض القلبية و الصدرية والجهاز الهضمي والغدد )