#ستة_اشياء_لاتسويها ابد مدام طفلج بعمر دون السنه
رابعا: لتعلمي على الحمام ووتوقعين ينزع الحفاظ تماما
هذا الموضوع بي شويه تفاصيل صغيره،
اكو كتب تشرح تدريب الطفل على الحمام من اول اشهر،
وتنظيم الخروج،
والطريقه ببساطه أنه الطفل يستيقظ صباحا و يرضع،
ثم الام تدخله حمام وتنزعه ملابسه وتخلي بوضع اقرب القرفصاء بس طبعا شايلته يعني مع تمارين بسيطه فيتنشط أنه يسوي خروج،
وياها كلمات بسيطه، مثلا (اييييه) مع تمثيل عمليه الاخراج (بتعابير وجه الام) (ربط الفعل بصوت مع تعبير)
هذا التدريب البسيط يخلي الطفل متهيأ بشكل كبير على خلع الحفاظ
بس لاتتوقعي حيخلعه!!
لان هو ماعنده سيطره قويه على عضلاته ،
واذا صار وجبرتي مع استخدام أساليب التعنيف ،او اي طريقة أخرى (جداول) وغيرها وخلع الحفاظ بعمر دون السنه،
حتصير عنده انتكاسه بعمر ٣ سنوات ويصير عنده تبول لا ارادي وترجعين للصفر.
ملخص البوست،
مو غلط تعرفي على الحمام من اول سنه،
بس غلط من تتوقعين حيضبطها ..
يكبر وان شاء الله بوقت قصير جدا يتعلم 👍
د.اسماء اسماعيل البدري
