دكتور مو هو يفرش…
دائما تنحجي هذي الجمله بالعيادات انو الطفل يفرش بس هنه اسنانه مسوسات…
من ندقق بالجمله راخ نشوف التالي…
… الاهل من تسألهم كم مره يفرش يكولك واللله دكتور بليل… ومن تسأل بعد يطلع مره ينسه مره تعبان مره يفرش وياكل وراها ينام ……
طبعا بداية لازم الطفل يتعلم طريقة التفريش الصحيحة الي متخلي اي بقايا اكل عالاسنان… وهذي مسؤلية الاهل..
الاهم انو التفريش مو مره باليوم…. عالاقل مرتين او ثلاثه… وره كل وجبة طعام
وما طول جبنه سيرة الوجبات… عدد مرات الاكلات الاضافيه… حبس نستله بيبسي عصير حليب محلى وغيره هم تعتبر وجبه وبيها كميه سكر عاليه…
الافضل ترتيب الوجبات الاضافيه ونخليها مره وحده باليوم ويفرش اسنانه وراها….
الصورة الي ويه البوست… هي الظروف اللازمه علمود تبدي البيكتريا تهاجم السن ويصير التسوس….
السن بيه اماكن ممكن يجمع بيها بقايا الاكل وهذي بيئة مناسبة للبكتيريا حته تشتغل ومرات حته السطح الاملس من السن من كثر الاهمال يصير خشن وهم سهل انو تتجمع عليه البقايا…
الاكل نوعه وعدد مرات اكله….. عدد المرات جدا مهم
في كل مره يدخل للفم طعام بيه سكر راح يتحول الفم الى بيئه مناسبه حته تشتغل البكتريا وتكون الحوامض المسؤوله عن التسوس… واذا انتركت بدون تفريش راح يستمر مده من الوقت… ف اذا تكرر موضوع الاكل كل نص ساعه وكل ساعه مره جبس مره نستله راح تنعاد الوضعيه من البدايه والبكتيريا تشتغل شفتات….
ف الي حته يفرشون بليل همه خسرانين هوايه ساعات السن بيها معرض للهجوم….
هذي المعادله شكد ما كدرنه انو نكسر تكوينها ف احنه نكدر نقلل فرص حدوث التسوس…
والي يكول دكتور اني جهالي يفرشون… راجع طريقة التفريش وعدد المرات اليفرشون بيها ونوعيه الاكل وعدد مرات الاكل ( ولتكولي سنونهم طالعه على امهم او خالتهم وراثه ولتكوليلي على عمتهم) سامعها هوايه…. وفكر لو جانو ميفرشون اصلا شكد جان الوضع اسوأ.
سوي الي عليك انت…
اكو اختلافات بين اسنان الاطفال وتكوينها وتغذيتها وحامضيه اللعاب و و و و…. بس هذا يخلينه نسوي كل الممكن حته نوصل ل افضل وضعيه لاسنان اولادنه ضمن الامكانات
التفريش يبدي من اول ما تطلع الاسنان اللبنيه…
الام ب اصابعها او قطعه قماش نظيفه صغيره وراها ممكن تتحول الى فرشه صغيره تنظف كل الاسطح ووره السنتين ممكن اضافه معجون الاطفال كميه كلش قليله ربع الفرشه (( مو بالكميه تره))
ها واحسن نوعية معجون بالعالم هي النوعيه الي تستعملها صح وبصورة حقيقية مو عالرف محطوطه ديكور… واكو نوعيات بيها اضافات مفيده.. بس الاهم انو تفرش وميبقى بقايا اكل عالاسنان….
والتفريش للاسنان اللبنيه ب اهمية الدائميه
وتعيشون وتسلمون
د. احمد احسان
طبيب اسنان
