#سلسلة_الرضاعة_الطبيعية
الجزء العاشر 🌹
بعنوان :الصعوبات والتحديات التي تواجه الام المرضع
الموضوع جدا طويل ومتفرع، وانتبهت عليكم تحبون البوستات القصيره , فحيكون هذا الجزء مقسم الى أكثر من بوست حته ننطي لكل مشكله حقها ؛
⭕المشكلة الاولى: التقام الثدي
ولدت الام الحمد لله بالسلامه😊
وحان وقت الرضاعة🤱😍 .. حطت الطفل بس!!😕
يا اما
مديعرف يأخذ الثدي 🙁
أو يأخذه ويطلعه😔
أو يرضع من الحلمة فقط😞
أو يبقى يحرك برأسه يمنه ويسره😖
أو يرضع شوي ويوخر ويكوم يبجي..😓
شنو الي ديصير؟ 😭
طبعا بدايه لازم لازم اول شي يرضعه الطفل هو صدر امه.. 🤱
لا ممه 🚫
ولا ملهيه🚫
ولا مي وشكر🚫
ولا اي شي عدا صدر امه.. ولتفاصيل اكثر ارجعوا على موضوع الرضاعة المختلطة
https://m.facebook.com/groups/183240282233830?view=permalink&id=225252524699272
والا حيصير حاله ارتباك الحلمه الي هي السبب ب٩٠٪ من الحالات الي تخلي الطفل ميعرف يأخذ صدر امه وبالتالي شيئا فشيئا يرفض الرضاعة الطبيعية تماما.🤦
زين وكعنا بهذا الخطأ شنسوي؟ 🤷
نبقى نحاول وياه يرضع من امه بطريقه انه نخلي يرضع وقت مو هو ميت جوع يعني كلساع كلساع كلساع🔁 نخلي يرضع حته يتدرب زين وينسى الممه🍼 وطبعا نقطعها باسرع وقت ممكن ..
زين وكعنا بالخطأ الاول وترك الرضاعة الطبيعية تماما شنسوي؟😓 نرجع ع بوست شلون نرجع الطفل :
https://m.facebook.com/groups/183240282233830?view=permalink&id=213368552554336
اوك تجاوزنا هذا الشي واول شي حطينا ع صدر امه بس صارت هاي المشاكل؟🙁 شنو السبب؟😖
السبب أنه الالتقام غير صحيح.. يعني الطفل في سبيل يلتقم الثدي بشكل جيد ويحصل على كميه جيده من الحليب لازم هاله الثدي ( المنطقه الغامقه المحيطة بالحلمه) تكون داخل فم الطفل كلها أو أغلبها.. اذا ديرضع من الحلمه فقط فهذا يطلق عليه الالتقام الخاطئ..
زين واذا 😏.. المهم ديرضع اله نخلي الهاله بحلكه؛🤨 هسه مو زين قبل ياخذه!؟😒
هو كبدايه اوك ممكن ننطي مجال شوي شوي
بس لازم يتعلم يرضع بشكل صحيح ؛ لان اذا متعلم وبقى يرضع من الحلمه بوحدها حتصير المشاكل التاليه:
١. كميه الحليب تطلع قليله جدا بعد جهد جهيد من الطفل وبالتالي يتعب ويبزع ويكوم يبجي لان جاع كلش وتعب.🤦
٢.قد يسبب انسداد قنوات الثدي وبالتالي الاحتقان والالتهاب ومشاكل كثيره اخرى..☹️
٣.تشقق حلمات صدر الام وطبعا تكون مؤلم
