#سلسلة_الرضاعة_الطبيعية
شفط حليب الأم وتخزينة
الحليب الصناعي عباره عن حالة استثناء🙅 حاله خاصه 🙋حاله علاجية🙆 .. مثلها مثل الدوه💊 لايصرف إلا بسبب طبي خاص ⚕️ ويقرره طبيب يخاف من الله ..
الحليب الصناعي مو هوه الغذاء الي مفروض ينمو عليه طفلج.. رب العالمين خلق اله حليب خاص بي وخلاه يمج أمانة وانتي بدورج لازم تحاولين بكل الطرق والأساليب حته توصلين الامانه لأنه هو حليب الطفل مو حليبج..
الحليب الصناعي رغم كل التطورات الي بي ميوصل ولاربع قيمة حليب الأم ..
هسه تكلولي مو احنا موظفات أو عندي ارتباطات أو ما اكدر ابقى وي ابني .. اوكي حقج على عيني وراسي بس هذا مو مبرر حته تنطي صناعي !
اكو طريقة الشفط والتخزين توفر حليبج للطفل في حال اضطريتي تغيبين عنه .
شنو هاي الطريقة؟
طريقة بسيطة تضمن توفير كميات إضافية من حليب الأم للطفل لاستخدامها وقت الحاجة .
⏺️شكد كلفتها؟
✔️متوصل ولاربع كلفه قواطي الحليب الي تشتريهن.
⏺️اكدر ابقى استخدمها على طول بدل ما انطي صدري؟
✔️ممكن بس ما انصح بيها لان فوائد الرضاعة المباشره اكثر بهواي وهاي الطريقة المفروض تستخدم للضرورات فقط .
⏺️شنو الفرق اذا رضع مني أو رضع من الممه وهو نفس الحليب؟
✔️هواي فروقات
١. حنان ودفو الام من بحضنها غير عن الممه
٢. آلية امتصاص الحليب من ثدي الأم آلية دقيقة ينتج عنها تطور سليم لعضلات الفك واللسان
٣. الامتصاص من الممه يزيد احتمالية مضار تسوس الاسنان وتشوه الفكين
٤. في حال مرض الطفل يجب أن يرضع مباشر من ثدي الأم لان اكو غدد خاصه تأخذ من لعاب الطفل وتحلله .. وترسل أوامر بإنتاج مضادات خاصه في جسم الأم وترجع تنفزر بالحليب لتساهم في سرعة شفاء الطفل
٥. الرضاعة المباشرة تضمن نظافة الحليب ١٠٠٪
☑️بالمختصر خلي الحليب الطبيعي المشفوط وقت الضرورة فقط مو ياخذج الواهس بحجة اسهل.😅
نرجع لطريقة الشفط والتخزين التفاصيل المهمه رح تكون بالصور تحت 👇 فتحوا الصور لان اكو بيهم شرح هم.
📌الخطوة الأولى📋 : تكونين ريلاكس 🤗 اغسلي ايديج وصدرج بماء دافئ وصابون لطيف ( تجنبي غسل الحلمة بالصابون لان قد يسبب جفافها)
وحضري العلب الي تريدين تحفظين الحليب بيها وتكون معقمة ونظيفة وجافة .
📌الخطوة الثانية📋: اجلسي في مكان مريح واعملي مساج للصدر مع كمادات دافئة.. (صور بالاسفل👇)
📌الخطوة الثالثة📋: الشفط
اكو اكثر من طريقة
1️⃣الشفط اليدوي🙌 :
🚨عيوبها🙁 :
〰️بطيئة .
〰️متعبة الى حد ما.
〰️تحتاج عناية اكثر بالنظافة 💧
🚨إيجابياتها😊:
〰️معدات اقل👍
〰️تحكم اكثر لان تحسين باماكن تجمع الحليب وبالتالي تضغطين عليها
〰️دفو اليد يساعد على ادرار اكثر الحليب من أجهزة الشفاطات (٤٥٪ اكثر)
〰️ابلاش 😂 (اقتصادية)
ℹ️الطريقة : نمسك الثدي🤚 ونبعده قليلا عن الهاله (المنطقة الغامقه المحيطة بالحلمه) ثم نبدا بالاعتصار ✊شرط الإبهام في لاعلى وباقي الاصابع في الاسفل وبهدوء دون ضغط قوي 🚫 مع استخدام كمادات دافئة♨️ ( صور في التعليقات👇)
2️⃣الشفط باستخدام الجهاز اليدوي
3️⃣الشفط باستخدام الجهاز الكهربائي أو ذو بطارية
اجهزه متوفره بالسوق تستخدم لشفط حليب الأم طبعا تكون اسرع وانظف لكن عيبها اغلى طبعا .. بس متوصل كلفة الحليب الصناعي اكيد!
🚨نراعي فيها اختيار حجم القمع..
⏺️ ليش؟
✔️لان اختيار قياس قمع غير صحيح سيسبب :
١.الم في الحلمة😥
٢ احمرار وتورم😣
٣. قله الحليب الناتج👎
٤. توقف ادارار الحليب (ينشف الصدر)😱 خصوصا اذا اسخدم لفترات طويلة (اسبوع) أو أكثر دون رضاعة مباشرة.
شلون نختار القياس؟
1️⃣حجم القمع = يلامس الهاله (المنطقه الغامقه المحيطة بالحلمه) لا أصغر منها (يضغط) ولا اكبر بهواي (مطاخها اصلا)
2️⃣ حجم الأنبوب = الحلمة تكون في الوسط (مو جبير بحيث الحلمة تنسحب وتسحب الهاله ) ولا (ضيق بحيث يعصر الحلمة)
صور بالتعليقات 👇
📢الي ميطلع عدها حليب كافي تجرب طريقة التجزئة وهي كالاتي :
شفط مده ٢٠ دقيقة ثم راحة ١٠ دقائق
ثم شفط ١٠ دقيقة ثم راحة ١٠ دقائق
ثم شفط اخير لمده ١٠ دقائق
هاي الطريقة يطلع بيها حليب اكثر 👍خصوصا بالسحب اليدوي🙌
📌الخطوة الرابعة📋 :
بعد أن شفطنا الحليب رح نحتفظ بي .. طريقه الاحتفاظ مشروحة بالصور بالاسفل 👇
ونراعي استخدام قناني حفظ ملائمة سواء زجاج أو بلاستيك (آمن خالي من PAP ) أو أكياس مناسبة حسب المتوفر. شرط تكون
⬅️معقمة ونظيفة.🌡️
⬅️محكمة الغلق.👍
⬅️تكدرين تكتبين عليها تاريخ الخزن 📝📆
الخطوة الخامسة : استخدام الحليب المشفوط:
🌸 شلون ادفئ الحليب المجمد:
١- افضل طريقة هي وضع الحليب المجمد في الثلاجة قبل يوم من استعماله حتى يذوب بالتدريج ويسهل تدفئته .
٢- بالامكان تدفئة الحليب مباشرة بعد اخراجه من الفريزر .
٣- يتم تدفئه الحليب بحمام ماء “دافئ”♨️ (وليس حار 🚫🌡️ )
او تحت الماء الجاري الدافئ من صنبور المياه .
🌸 الحليب المذاب لا يعاد تجميده
🌸 الحليب المذاب يظل صالح للاستخدام في الثلاجة خلال ٢٤ ساعة وفي حرارة الغرفة ٤ ساعات.
🌸 المتبقي من الحليب بعد شرب الطفل يرمى فورا .
🌸 لا يتم تدفئة الحليب بالمايكرويف ابدا
🌸 تعريض الحليب للحرارة العالية او الغليان او المايكرويف يعرضه للفساد ويقتل المضادات الحيوية ويفقده المغذيات الموجودة فيه.
🌸 من الطبيعي ان تنفصل طبقتا الحليب اثناء التخزين ويتم خلطها بحركة دائرية خفيفة من دون رج (انتبهي 🚫🚫 مو مثل الممه مال صناعي) حتى لا يفقد الحليب فوائده.
🌸 يجب اخذ الحذر عند تدفئه الحليب باستخدام جهاز التدفئة حتى لا يسخن الحليب لدرجات عالية جدا.🌡️
🌸 بامكان الطفل ان يشرب الحليب باردا او دافئا او بحرارة الغرفة.😊🍼
🍃ختاماً..
الام الي فعلا حريصه على طفلها ( وماكو سبب طبي يمنع الرضاعة) ما اتوقع بقت حجة أنه تنطي بعد صناعي..
أما الي اصلا متريد فلو نحجي منا لباجر رح تبقى تطلع اعذار.. فالخيار يمج 👍
د.اسماء اسماعيل البدري
تابعوا التعليقات حخلي صور ملخصات
