شون اعزز مناعه طفلي؟
اهم خطوات تعزيز المناعه هي :
١. النوم : النوم يعزز المناعه بطريقه عجيبه
طبعا السبب يعود إلى أن بعض الخلايا المناعيه تنشط ويه وكت النوم 😲 و حتى الأجسام المضادة 😲 و لهذا نوم أكثر معناه مناعه اقوى
٢. الفواكه و الخضروات : و مثل ما كل مره اكول ماكو اكل مو زين كل الاكل زين و اهم شي التنويع
الفواكه و الخضروات شي عجيب
خليها دائما جزء من سله طفلك اللي ياخذها للمدرسه و قلل الأشياء الحلوه حتى تعزز مناعته
٣. اللبن : السبب قد يكون مخفي و ما نتخيل اهميته
السبب بسيط لاحتواء اللبن على البكتريا المفيده
هذه البكتريا تقاوم البكتريا الدخيله المضره طبعا بالاضافه الى فوائدها بتنظيم حركه الجهاز الهضمي
كل اللبن زين ماكو نوعيه احسن من نوعيه
٤. تجنب تعرض طفلك لدخان الجكاير
معروف جدا و بدراسات متعدده كل الاطفال اللي يستنشقون الدخان من امهم او ابوهم المدخن يكونون عرضه أكثر لاصابه بالسعال و الرشح و التهاب الاذن الوسطى هذا طبعا عدا التحسس
٥. غسل اليد مهم و مهم جدا بالبيت بالدوام بالعمل بالمدرسة يقلل جدا من العدوى و انتقالها
٦. اللعب و التعرض للشمس و كسب فيتامين D
فيتامين دي جزء مهم من النظام المناعي للجسم و يدخل بتركيب عده اجهزه مناعيه
اما اللعب و التمارين فهي وحده من أهم الأشياء اللي تعزز المناعه
٧. الرضاعه الطبيعيه
نشرتلكم البحث اللي انشر العام بال ٢٠١٧ عن فوائد الرضاعه الطبيعيه المناعيه
و اللي الواحد تدمع عينه من عظمه الخالق بحليب الام و فوائده
و طبعا مناعه حليب الام تستمر ويه الطفل للكبر
٨. و اخيرا كافي شراب التهابات لأبسط شي و لابسط نشله و لابسط سبب
لا تضغطين أبدا على طبيبك بوصف المضاد الحيوي
اكيد راح الكه تعليق دكتور مو ينزل على صدره
امي ما ينزل على صدره الا اذا طفلك عنده تحسس
مو لان انت ما انطيتيه المضاد الحيوي
خلي المضاد الحيوي للحالات اللي فعلا تحتاجها
و شوفي المناعه شون تصعد
د. سيف سمير البياتي
اخصائي طب الأطفال
