طفلي ما يرضع أكثر من ٥ دقايق
طفلي يرضع ساعتين و أكثر
السؤالين المؤرقين لأكثر الأمهات
طول فتره الرضاعه الطبيعيه
هل ال ٥ دقايق كافيه؟
و هل لأنه الحليب غير كافي طفلي هلكد يرضع أكثر من ساعتين ؟
شنو هو المعدل الطبيعي للرضاعه؟
.
.
اجاوب وحده وحده
المعدل الطبيعي للرضاعه الطبيعيه من ١٠ دقايق إلى ٤٥ دقيقه
اكيد اصحاب السؤالين ( ٥دقايق و ساعتين)
هيجي حالهم😲😲😲
قبل ما اجاوب
و قبل ما تدخلين المميه
انت جاوبيني نمو طفلك طبيعي ؟
يعني دا ينمو بصوره صحيحه؟
اذا دا ينمو بصوره صحيحه هاهيه خلص
ابنك مكتفي بال ٥ دقايق و مكتفي بالساعتين
.
.
آخر شي احب اطمنك اللي ابنها يرضع ٥ دقايق اكول اذا طفلك يرضع لمده دقيقتين
دقيقتين فقط
و نموه زين خلص اطمئني
.
.
اما امهاتنا اللي تكول ابني يبقى على الثدي لازك ساعتين فاكولك
طفلك دا يطلب القرب منك او ينام أثناء الرضاعه
اعرف الموضوع متعب
بس تحملي
هذه الفتره راح تمر
و راح يقل تعلقه بيك
التعلق يزيد بعمر ٦ اسابيع
و عمر ٣ اشهر
بسبب زياده النمو بهاي الفتره
بعدها شويه شويه يقل
د. سيف سمير البياتي
اخصائي طب الأطفال
