كلما طفلك يشوف الشاشه أكثر كلما ينام اقل بالنسبه لاطفال ما قبل المدرسه” دراسه علميه”
و الاتعس انه بعض العوائل تخلي تلفزيون بغرفه الطفل
الدراسه تتماشى نتائجها ويه توصيات منظمه الصحه العالميه اللي تكول انه من عمر ٢ إلى ٤ سنين الطفل لازم يشوف التلفزيون ساعه وحده باليوم و اذا اقل بعد احسن
الدراسه تتماشى ويه توصيات الأكاديميه الامريكيه لطب الأطفال اللي تكول انه وقت الشاشه لازم ساعه وحده بس و باشرافك و بتعليمك على مشاهده البرنامج الغني تعليميا و اذكر انه يذكر برنامج افتح يا سمسم النسخه الامريكيه كبرنامج غني بالمعرفه
من مستخلصات الدراسه اللي شملت ٤٧٠ طفل باعمار اقل المدرسه و بعد مراقبتهم لمده ١٦ يوم:
💛 الأطفال اللي يشاهدون تلفزيون اقل من ساعه ينامون ٢٢ دقيقه اكثر كمعدل من اللي يشاهدون تلفزيون أكثر من ساعه
❤ الأطفال اللي ما عدهم تلفزيون بغرفه نومهم ينامون ٣٠ دقيقه اكثر من اللي عدهم تلفزيون بغرفه نومهم
💙 على الرغم انه الأطفال اللي عدهم تلفزيون بغرفه نومهم ينامون ١٢ دقيقه اكثر عند الاغفاءات القصيره فإنه نومهم اليومي يقل ١٧ دقيقه عن اللي ما عدهم تلفزيون بغرفه نومهم
بالملخص :
طفي التلفزيون من ال ٤ العصر و شوفي الفرق
د. سيف سمير البياتي
اخصائي طب الاطفال
